Вторник 5 недели по Пасхе

К оглавлению - Триодь цветная.

Творец всех и жизни Податель, Отцу Божественному соприсносущное Слово, волею от Девы плоть приим, и быв Человек, неизреченныя премудрости, яко Благ, всем источи учения.

Празднику преполовившуся иудейскому Христе, во святилищи предстал еси, закону Владыка уча властию, и книжники обличая, якоже писано есть, и ужасая премудростию словес Твоих, и чудес показаньми.

Податель премудрости, и добрых излиятель, изливаяй Божественныя струи, от источника приснотекущаго: приидите ко Мне, зовет, воду жизни жаждущии почерпите, и реки из чрева вашего, глаголет, дарований Божественных потекут.

Егда пришел еси во святилище Христе Боже, преполовившуся празднику, тогда люди учил еси, вопия: веруяй в Мя, аще и умрет, жив будет. Иудеи же распыхахуся с фарисеи и саддукеи и книжники, глаголюще: кто есть Сей, Иже глаголет хулы? не помышляюще, яко Ты еси прежде всех век, со Отцем и Духом славимый Боже наш, слава Тебе.

Древа преслушания запрещение разрешил еси Спасе, на Древе крестнем волею пригвоздився, и во ад сошед Сильне, смертныя узы яко Бог растерзал еси. Темже кланяемся еже из мертвых Твоему Воскресению, радостию вопиюще: всесильне Господи, слава Тебе.

Стих: К Тебе возведох очи мои:

Кто обуреваемый, и притекаяй ко пристанищу сему, не спасается? Или кто болезнуяй, и припадаяй к врачебнице сей, не исцелевается? Содетелю всех, и врачу недугующих Господи, прежде даже до конца не погибну, спаси мя.

Стих: Помилуй нас Господи, помилуй нас:

Святых мученик приемый терпение, и от нас приими пение Человеколюбче, даруяй нам тех молитвами велию милость.

Преполовившуся празднику, славим посреде земли спасение Соделавша. Посреде убо двою разбойнику, Живот на Древе повешен бе, и хулящему убо умолчал, верующему же возопил: днесь со Мною будеши в раи. Сшел еси во гроб, пленил еси ад, и воскресл еси тридневно, спасая души наша.

Вольною Твоею волею Крест претерпел еси Спасе: и во гробе нове положиша Тя человецы смертнии, словом концы составльшаго. Темже связан бысть чуждий: смерть люто пленяшеся, и сущии во аде вси взываху живоносному востанию Твоему: Христос воскресе Жизнодавец, пребываяй во веки.

Стих: Господи, да не яростию Твоею обличиши мене:

Помышляй душе, како предстанем Судии? Поставятся престоли страшнии, и коегождо деяния обличатся. Тогда Судия неумолимый: тамо огнь люто предстанет, якоже свирепое море содержа, и покрываяй концы. Со всеми сими виждь душе моя, стени прежде конца.

Стих: Дивен Бог во святых Своих Бог Израилев.

Мученичен: Иже во всем мире мученик Твоих, яко багряницею и виссом кровьми Церковь Твоя украсившися, теми вопиет Ти, Христе Боже: людем Твоим щедроты Твоя низпосли, мир жительству Твоему даруй, и душам нашим велию милость.

Страшное таинство, и чудо преславное, како Дева Тебе Зиждителя всех понесе, и по рождестве паки цела и Дева пребысть? Рождейся из Нея веру утверди, языки укроти, и мир умири, яко Человеколюбец.

Премудрости воду и жизни источая мирови, всех Спасе призываеши почерпсти спасения воды: Божественный бо закон Твой приим человек, в себе угашает, прелестное углие: отонудуже во веки не вжаждет, ни престанет насыщения Твоего Владыко Царю Пренебесный. Сего ради славим державу Твою Христе Боже, прегрешений оставление просяще послати богатно рабом Твоим. [Дважды.]

Воскресение Христово: псалом 50.

Канон праздника со ирмосы на 8, и Минеи на 4. Кондак, и икос, и ексапостиларии праздника.

Крестом Твоим Христе, от древния клятвы свободил еси нас, и смертию Твоею естество наше мучащаго диавола упразднил еси: востанием же Твоим радости вся исполнил еси. Темже вопием Ти: воскресый из мертвых Господи, слава Тебе. [Дважды.]

Омый мя слезами моими Спасе, яко оскверних во многих гресех. Темже и припадаю Ти Милостиве: согреших, помилуй мя Боже.

Ангелом сопричастницы бысте святии мученицы, в подвизе Христа мужески проповедавше: вся бо яже в мире остависте красная, яко не сущая, веру же яко анкиру твердую удержасте. Темже и лесть отгнавше, источаете верным исцелений дарования, непрестанно молящеся спастися душам нашим.

Господи, прежде честнаго Твоего Креста, празднику преполовившуся, во святилище вшел еси, иудеи со дерзновением уча, Моисеем и в законе Тобою законоположенным, ужасающеся же Христе Твоея премудрости неизреченному таинству, еже на Тя роптанию в себе завистию поучахуся: како Сей весть писмена не учився? Не ведяще Тебе Спаса душ наших.

Конец сый и начало, преполовение же, посреде праздника предстал еси во святилищи Христе мой, источая ми оставление.

Стих: Помяни сонм Твой, егоже стяжал еси исперва.

Слыша Сион Воскресения Твоего Божественную державу Слове, и радуется с чады, воспевая Тя Благоутробнаго.

Стих: Бог же Царь наш прежде века:

Свет от Отца, возсияв Слово, но напоследи лет явился еси яко Человек, подая мне прегрешений оставление.

Преполовившуся празднику Пасхи, в храм вшел еси святилищный Спасе наш, и став посреде народа, учил еси тех с дерзновением, и глаголал еси: Аз есмь свет мира, в след Мене идый не имать ходити во тме, но имети будет свет безсмертныя жизни.

Во дни оны, Варнава и Савл, возвратистася из Иерусалима во Антиохию, исполнивша службу, поемша с собою и Иоанна, нарицаемаго Марка.	Во дни оны, Варнава и Савл, по исполнении поручения, возвратились из Иерусалима в Антиохию, взяв с собою и Иоанна, прозванного Марком.
Бяху же нецыи во церкви сущей во Антиохии, пророцы и учителие, Варнава же и Симеон нарицаемый Нигер, и Лукий Киринеанин, и Манаин со Иродом четвертовластником воспитанный, и Савл.	В Антиохии, в тамошней церкви были некоторые пророки и учители: Варнава, и Симеон, называемый Нигер, и Луций Киринеянин, и Манаил, совоспитанник Ирода четвертовластника, и Савл.
Служащим же им Господеви, и постящимся, рече Дух Святый: отделите Ми Варнаву и Савла на дело, на неже призвах их.	Когда они служили Господу и постились, Дух Святый сказал: отделите Мне Варнаву и Савла на дело, к которому Я призвал их.
Тогда постившеся, и помолившеся, и возложше руки на ня, отпустиша их.	Тогда они, совершив пост и молитву и возложив на них руки, отпустили их.
Сия убо послана бывша от Духа Свята, снидоста в Селевкию, оттуду же отплыша в Кипр.	Сии, быв посланы Духом Святым, пришли в Селевкию, а оттуда отплыли в Кипр;
И бывше в Саламине, возвещаста слово Божие в сонмищах иудейских: иместа же и Иоанна слугу.	и, быв в Саламине, проповедовали слово Божие в синагогах иудейских; имели же при себе и Иоанна для служения.
Прошедша же остров даже до Пафа, обретоста некоего мужа волхва лжепророка иудеанина, емуже имя Вариисус:	Пройдя весь остров до Пафа, нашли они некоторого волхва, лжепророка, иудеянина, именем Вариисуса,
иже бе со анфипатом Сергием Павлом, мужем разумным. Сей призвав Варнаву и Савла, взыска услышати слово Божие.	который находился с проконсулом Сергием Павлом, мужем разумным. Сей, призвав Варнаву и Савла, пожелал услышать слово Божие.
Сопротивляшеся же има Елима волхв, [тако бо сказуется имя его,] иский развратити анфипата от веры.	А Елима волхв (ибо то значит имя его) противился им, стараясь отвратить проконсула от веры.
Савл же, иже и Павел, исполнися Духа Свята, и воззрев нань,	Но Савл, он же и Павел, исполнившись Духа Святаго и устремив на него взор,
рече: о, исполненне всякия льсти и всякия злобы, сыне диаволь, враже всякия правды, не престанеши ли развращая пути Господни правыя?	сказал: о, исполненный всякого коварства и всякого злодейства, сын диавола, враг всякой правды! перестанешь ли ты совращать с прямых путей Господних?
И ныне се рука Господня на тя, и будеши слеп, не видя солнца до времене. Внезапу же нападе нань мрак и тма, и осязая искаше вожда.	И ныне вот, рука Господня на тебя: ты будешь слеп и не увидишь солнца до времени. И вдруг напал на него мрак и тьма, и он, обращаясь туда и сюда, искал вожатого.
Тогда видев анфипат бывшее, верова, дивяся о учении Господни.	Тогда проконсул, увидев происшедшее, уверовал, дивясь учению Господню.

Рече Господь ко пришедшим к Нему иудеем: аминь, аминь глаголю вам: аще кто слово Мое соблюдет, смерти не имать видети во веки.	Сказал Господь пришедшим к Нему иудеям: истинно, истинно говорю вам: кто соблюдет слово Мое, тот не увидит смерти вовек.
Реша убо Ему жидове: ныне разумехом, яко беса имаши. Авраам умре и пророцы, и Ты глаголеши: аще кто слово Мое соблюдет, смерти не имать вкусити во веки:	Иудеи сказали Ему: теперь узнали мы, что бес в Тебе. Авраам умер и пророки, а Ты говоришь: кто соблюдет слово Мое, тот не вкусит смерти вовек.
Еда Ты болий еси отца нашего Авраама, иже умре? и пророцы умроша: кого Ся Сам Ты твориши?	Неужели Ты больше отца нашего Авраама, который умер? и пророки умерли: чем Ты Себя делаешь?
Отвеща Иисус: аще Аз славлюся Сам, слава Моя ничесоже есть: есть Отец Мой славяй Мя, Егоже вы глаголете, яко Бог ваш есть.	Иисус отвечал: если Я Сам Себя славлю, то слава Моя ничто. Меня прославляет Отец Мой, о Котором вы говорите, что Он Бог ваш.
И не познасте Его, Аз же вем Его: и аще реку, яко не вем Его, буду подобен вам ложь: но вем Его, и слово Его соблюдаю.	И вы не познали Его, а Я знаю Его; и если скажу, что не знаю Его, то буду подобный вам лжец. Но Я знаю Его и соблюдаю слово Его.
Авраам отец ваш рад бы был, да бы видел день Мой: и виде, и возрадовася.	Авраам, отец ваш, рад был увидеть день Мой; и увидел и возрадовался.
Реша же иудее к Нему: пятидесят лет не у имаши, и Авраама ли еси видел?	На это сказали Ему иудеи: Тебе нет еще пятидесяти лет, — и Ты видел Авраама?
Рече же им Иисус: аминь, аминь глаголю вам: прежде даже Авраам не бысть, Аз есмь.	Иисус сказал им: истинно, истинно говорю вам: прежде нежели был Авраам, Я есмь.
Взяша же камение, да вергут Нань: Иисус же скрыся, и изыде из церкве, прошед посреде их: и мимохождаше тако.	Тогда взяли каменья, чтобы бросить на Него; но Иисус скрылся и вышел из храма, пройдя посреди них, и пошел далее.