Книгохранильница Якова Кротова
 

ЖИТИЕ ПАТРИАРХА ИОАКИМА

Воспроизводится по изданию: Житие и завещание святеишего патриарха московского Иоакима.  Спб.: тип. В.С. Балашева, 1879. ОЛДП, XLVII.ХХ+149 с. Опущено предисловие. Страницы указаны по этому изданию и выделены линейками. Житие (по предисловию Никол. Барсукова) оп. по списку, которыи находился в Моск. публ. музее, собрание П.Д.Беляева. Писана полууставом петровского ремени, в 4, на 97 лл., начало утрачено. №28/1535, описание А.Е.Викторова.  Завещание известно и по другим спискам. Патриарх Иоаким Савелов (1620-1690). Места, недостающие в этом списке жития, позднее были изданы Барсуковым же, но пока не воспроизводятся здесь.

Житие и завещание святеишаго патриарха московского Иоакима.

……родиста же сего отрока нарекоста Иоанн, тако бо прежде бысть имя его, в лето 7129го году ианнуария в 6 день, всенощнаго бдения в празник святаго Богоявления, в самыи благовест. По времени же крещен бысть святым крещением и егда приспе время вдаша его в научение грамоте, и Божию благодатию изучися писанию книжнаго чтения. Пришедшу же ему в совершеныи возраст, отец и мати его припрягоста ему су [4] 
пругу именемъ Евфимию тако же от благочестивых родителеи рожденну и воспитанну и четырем детищем отца бысть. Потом же и воинскии чин вчинися и послан бысть сопротивъ сопостатовъ в Киевския страны в лето 7160 году слышано бысть ему яко супруга его и возлюбленная чада преставишася: онъ же Иоаннъ по премногу благодарив Господа Бога свободившаго его от таковаго попечения и излюби желанно монашеское житие оставляет убо воинстеннаа и прииде во единъ от киевских………………………… [5] 
 ……имети купно съ нимъ о создании церкве яже строяшеся по образу Иерусалимския святыя церкве идеже гроб Господень.

Монах же Иоаким строитель во всем повиновавшеся оному великому архиерею и творяше вся дела своя разумно пребысть же в томъ служении лета три или вящше и по семъ молит того святеишего Никона да отпуститъ его паки во обещание монашества его в Межигорскои монастырь и по многом прошении его отпущаем бывает. Прииде же монах Иоаким въ царствующии град Москву бяше же некто от сигклита царева околничеи именемъ Феодор Ртищев придержаи дворецъ благочестиваго царя [6] 

и бе муж зело благоговеинъ и милоствыи и к странствующим приятны сеи моли сего монаха Иоакима яко да будет строителемъ в монастыре святаго Андрея Стратилата яже нарицается в Пленицах и слово повеления царского бысть ему тои монастырь приказан в строителство и бяше видети в том…………………………………………………………………...   трапезе со служителми трапезными седяша ясти и кроме трапезы разве великия нужды никако же в келии когда ядяш. Видев же сопостат душ человеческих воздвиже на него от настоятеля тоя обители архимандрита именем Прохора иже взять бысть ис  [7] 
Казании многую ненависть и ненавидяше его туне и много оукаряше его и безсчестием за очию облагаше пред нимъ же во очи ничтоже смеяние рещи видяше бо его известно мужа праведна и бояшеся его и послушая его много творяше.

Некогда же прилучившуся некоему потребну делу монастырева келарь Иоаким прииде пред келию его и хотяше внити в келию ко оному настоятелю тоиже мног час повелеваше ему на оном своем предсении сиречь крыльце пребыти ждуще его и се токмо оуслыша да отидет яко несть рече время сему еже видитися но во ино оубо время оувидимся. [8] 


Келарь же Иоакимъ зело терпеливъ сыи вся со благодарениемъ претерпеваше и егда видевъ настоятеля сего о сем никакоже порицаше точию моляше о нем Бога яко да примирит его к нему и во всем оугождаша ему и неможаше оугодити понеже совесть трезвая всегда ненавидим бывает к сему же паки сопостат возстави на него кромолу в братии пачеже от безсчинных и пиянствующих доместиков и протчии клирицы споследующе им пришедше бо в келии его вопияху на него гневом безчинно глаголюще яко по твоему рекоша слову старецъ хлебадарь подоваетъ им хлеба потешенна [9] 
го егда вечери не бывает оучастки малы не можем тем насытитеся видев же терпеливыи старец Иоаким яко сопостат возмути безумие их и хотя ползовати нетерпение и повеле отпусти им от себе в келию двоих клириков иже быша доместики леваго лика Аврамиа зовомаго Телнаго, и Савватиа прозываемого Волка. Вшедшим же им Аврамию и Савватию в келию его пред оконцами, келарь же терпеливыи Иоаким представи имъ два оныя оукруги яже они глаголаху малии сущии яко да пред нимъ снедат я и повеле послушнику своему монаху Феодосию да подаст имъ по ставчику  [10] 
от житнаго квасу яко да со удобствомъ насытятся и понуждаше оную двоицу ясти оучастки хлеба без остатку.

Тии же насытишася половиною тех оучастковъ другуюже половину немогуще ясти, вопияху ко пристоящим со клевретомъ своимъ яко таковую напасть на них наведоша понеже келарь тои Иоакимъ зело долготерпеливыи нудяше ясти видевъ же ихъ сице оубоявшихся и вне стоящимъ вопиющих и глаголющихъ яко хощет рекоша насъ келарь Иоакимъ сим понуждениемъ во еже чрезъ силу ясти оуморити отпусти я ползовавъ много словесы оутешными по сице доброразсуд [11] 

ныи служитель Иоакимъ приведе оныя клирики в чюство от безумного шатания ихъ и отидоша вси от келии его бежаще посрамлении же и к тому от оных оучасткахъ на хлебадара старца не роптаху но каковъ кому подастся тои и приимъ отидетъ начатъ таже между собою сия воспоминающе глаголаху яко велми ихъ онымъ своимъ разсуждениемъ ко смирению и терпению ползова.

Бяше же во обители тои от прежде бывших настоятелеи слугамъ и всякимъ служебнымъ людемъ домы своя имущемъ рекше женатым даяше ис поварни митрополитския потребы варения и  [12] 

всякия ествы от хлебодара же старца  неделныя хлебни от чашника старца от жита квасъ на всякъ день оутре обеда и вечерния трапезы повары же варяху варения имъ ястия тая рекше и прочия два варения зело небрежително яко никакого в крупах или горохъ сору ины ли разлучати и очищати имъ новшявше оу подкеларника старца из житницы оуреченную меру и всыпаху въ котелъ исполни воды и абие все воспловяше на воду ини же тако когда очищаху.

Расмотривъ же сия келарь Иоакимъ неоустроение в подаянии ястия то и предложи имъ слово о семъ и вопро [13] 

шаше и глагола хощете ли речете яко да дасться вам по вся месяцы из монастырския житницы некия меры своего хлеба глаголюще же речи и и вся. Ины от нихъ негодоваху и ниже глаголюще яко несть рече добро отяти от насъ печеные хлебы и варения и давати нам месячни. понеже отцы наши и деды, темъ монастырскимъ подаяниемъ питахуся. но обаче вмале повинувшеся воли его. прошаху  прияти по вся месяцы оуреченное хлеба, и постановлениемъ таковым в Новомъ Спасове монастыре оное прежде глаголанное исоустроение исправися о семъ, и зело вси посреди благодарствуют Христа Бога яко быша  [14] 
домове их благословении и во всем изобиловаху яко нечто останковъ от податого оставшаяся и продати пенязи же на домовуию же себе потребу и Христа Бога величающе с радостию отхождаху всяже сия разумного сего правления оустрояхуся во страсе Божии тщашеся бо зело трудолюбнии сеи келарь Иоакимъ, да всякъ человекъ с радостию работает Христу Богу и все творяше по глаголу апостола промышляюще добрая пред Богомъ и человеки.  по семъ паки воссташа на сего келаря Иоакима роптание велие преждеречении клирицы обретоша же роптания своего вину сицевы прилучися бо  [15] 
в день суботныи памяти быти некоего христолюбца почившаго его же имя написано бе в книзе братскаго питания и яко в день памяти его поминовения его творятся в тоиже день и братиямъ в трапезе оутешения предложася в тоиже подкеларнику старцу предложивъшу от рыб белых осоленыхъ ясти малымъ нечто солию не оутвердившихся и иструпившу толокнисто тогда абие обрете сопостат душъ человеческих причину смущения и начаша на келаря Иоакима зелие гневатися и словеса жестокая и всякого полна безчиния произносити глаголюще яко самъ рекоша добрыя и припhавныя яст яди,  [16] 
братство же гноемъ кормилъ, онужда или толко света что во окне или толко единъ Новоспаскии монастырь въ Россииске. будем убо терпети на месте семъ оу такового злаго келаря яко быти бы намъ въпопечении на оутро оубо изыдем вси из места сего.

   И положиша между себе совет всякого безумия исполненъ да на всенощном пении ни единъ же от них на клирос не взоидетъ но да вси станутъ за столпомъ яко всемъ грядущимъ с монастыря и сотвори таку бывшу же времени клепания всенощнаго и великого звона тииже стояху за столпомъ молчаще яко обуродении и ждуще  [17] 

что начнет келарь творити и глаголати братство же снидеся всенощнаго ради славословия и жидающе начала сидяху кииждо на месте своемъ бе же в тои святои обители бе некто от царского сигклита живыи и навыкая терпения монашескаго жития именем Михаилъ рода Ртищевъ, прежде бывыи оу пресветлыхъ Всероссииских цареи и великихъ князеи, Михаила Феодоровича и Алексея Михаиловича всея Росии самодержцев ближнии человекъ чином окольничеи сеи добродетельныи старецъ Иоакимъ седяше на мале скамеице за столпом трапезы работницы же быша близь его и между себе слышаша ихъ  [18] 
ропщуша о семъ и смятения хотящих имъ возбранити о таковомъ их начинании обаче ожидаше словесе что настоятель к ним возглаголетъ стужившу же Иоакиму келарю и воставъ от места своего и прииде к настоятелю такоже седящу на месте своемъ и о семъ нача глаголати ему сице, святыи рече архимандритъ доколе намъ сидети а всенощнаго пения ниже начала творящимъ, отвещавъ же архимандритъ глагола ему со гневомъ иди глаголя самъ на клиросъ и начинаи петние понеже ненанидиши и оскорбляеши братию шедше же келарь Иоаким и глаголаше клирикомъ онымъ братия святая что ви [19] 
дели есте тако бесчинно творити и почто помышления злая входят в сердца ваша и славословию Божию препону и мечтания сотвористе.

Тии же безумнии начаша беднеи гневатися на него и всякого невежества безумия словеса кидающе себе же оправдвюще и глаголаху яко вся рекоша трапезная ядения,тобою оумалишася, и худеишая и изврещи достоиная, в трапезе братству предлагаеши. но иди ныне и пребуди одинъ во обители сеи. мы бо вси идемъ з Божиею помощию, вонъ из монастыря. слышав же сия келарь Иоакимъ, яко ничто же оуспеваетъ. но паче молва бываетъ.  [20] 

паки приидит ко архимандриту и к месту его глагола ему. святыи архимандрит рече что оу тебя сие делается и на мнозе ли сему быти настоятель же яко от сна возбну и мало восклонився от ничаяния своего обаче седя яко сквоз зубы рече ко онымъ клирикомъ что вы на клиросъ неидете слышавъ же сия оныи Михаилъ царскии околничеи предпомянутыи яко тои настоятель небрежителне повеление изрече воста от скамьицы своея, купно же приде и келарь Иоакимъ, но нача глаголати ко клирикомъ онымъ како вы рече, обестрашистеся своимъ безумиемъ отцы честнии, и такии святыи  [21] 
неделныи день, смущениемъ исполняете, начат и келарь Иоакимъ, глаголати к ним яко на се ли изыдосте из мира да в роптании хощете совершити подвигъ чернечества вашего О братие онемъ же безумнымъ ничтоже могущимъ противоизрещи но вся в безумии своемъ глаголаху непокорна паки же со многою духовною ревностию возгласи оныи Михаилъ сигклитикъ глаголя вразии Божии что вы сие возмыслили. или паки Коломенскаго села бунтъ обновляет прежде бо сего в малых днех бунтъ оныи бяше. се азъ буду на васъ возвестителемъ великому государю, и преосвященному митрополиту бяше бо в то время на Москве  [22] 
между патриаршества. и глагола келарю Иоакиму повели рече двери трапезы заключити и сих крамолников неиспущат дондеже азъ о всемъ к Москве возвещу о них великому Государю и преосвященному митрополиту, яко да повелевает ихъ бунтовшиковъ смирити зелным наказаниемъ слышавше же тии работницы зелное и ревносное сигклитиково изречение зело постыдешася и абие единъ по единому потомъ и вси на места своя в лице сташа, и пение всеношное начаша со всякою тихостию боящеся оного сигклитика иже о келаре Иоакиме велми ихъ словесы жестокими поноси и грозная вещаше. по  [23] 
скочании же всенощнаго пения паки глаголет имъ келарь Иоаким яко таковая рече смущения нехотящии спастися творятъ невнимающии о своем спасении вы же отцы святии где сему наоучистеся еже мене ради на него же гневастеся оуже и на церковь смущениемъ своимъ вознеистовистеся и собрания церковнаго в немъ же вси в молитвах своих оуслышаны быти надеемся сего самого служения Божия исправления невосхотесте тогда нецыи от них припадоста ко Иоакиму келарю прощения просяще овии же яко зверие распыхающеся вскоре тщахуся изити ис трапезы. кроткии же келарь Иоакимъ  просящих про [24] 
шение прости подаде прощение. оныя же жестоковыи и оутешаше своими словесы. оувещеваше  и Михаила оного и Михаила оного сигклитика моляше яко да несотворит того словеса еже онъ ревностию своею и глагола дабы онымъ клириком оскорбленнымъ небыти его ради доношения, послуша же келаря тои Михаилъ и к тому ничтоже рече иже реклъ бяше аки бы донести до царя таковое ихъ роптание, и всемъ повинуся воли, кроткаго раба Христова. бе бо зело любляше тои Михаилъ келаря Иоакима и часто к себе в келию призываше, и в беседах духовных совопрошаше и со вниманиемъ  [25] 
постническимъ его словесемъ и ядения его смотряше и се бяше ему во мирную ползу спасения призываше бо его к себе в келию свою на часте совопрошая и вкупе ядениемъ понуждаша его.

Сарскому же и Подонскому митрополиту Господину Питириму преложену бывшу в Великии Новгород в митрополиты взысканию бывшу от пресветлаго царя и великого князя Алексея Михаиловича всея Росии и от всего освященнаго собора иже бы достоинъ былъ восприяти Сарскии престолъ митрополии. прооуведениемъ же Божественныя благодати избранъ бысть на митропо [26] 

лию Сарскую, пречестныи архимандрит, великого архистратига Михаила, и чюдотворца Алексея, Чюдовския обители господинъ Павелъ на место же его пресветлыи царь и  весь освященныи соборъ возлюби поставити, в Чюдовъ монастырь сего крепкаго и добродетелнаго келаря Иоакима, и освященъ бысть в соборнеи Апостолскои церкви пресвятыя Богородицы честнаго ея Оуспения и поставленъ по степенемъ въ свещеносцы четцы ипподдияконы и дияконы, преосвященным господиномъ митрополитомъ таже бывше происхождению со честными кресты и со святыми иконами великии ходъ царю и всему освященному собору с митропо [27] 
литомъ во обитель Пресвятыя Богородицы зовомую Донскою иже бывает, августа въ 19 день. и тамо преосвященныи митрополит Питиримъ Новогородскии сего Иоакима саномъ пресвитерства сеи смиренномудрыи иеромонах Иоакимъ велми себе смиренна показа видяше бо писание  елико великъ еси толико смиряяи себе и от Господа обрящеши благодать по поставлении же Иоакима в пресвитерство пресветлыи царь Алексеи Михаиловичь всея России самодержецъ прииде к нему и благословение от него прия от иеромонаха Иоакима и милостивымъ своим  [28] 
 царскимъ приветомъ поздравствова ему и намерение свое царское предложи ему глагола, да подастъ Господь Богъ видети намъ во обители святои Чюдовскои тебе настоятелствующа и архимандрию правяще Иоаким иеромонах пресветлому царю поклонися до земли и глаголя к нему благоверныи царю, велико бремя и грозное достоинство своею царскою милостию возложил еси на мя богомолца своего и несть достоинъ возприяти таковаго сана превосходяща мерность мою обаче воля Господня да будетъ. поставлену же бывшу архимандриту господину Павлу на престолъ Сарскии и Подонскии из архимандритовъ в митрополиты, тогда иеро [29] 
монахъ Иоакимъ Новоспаскии келарь поставленъ бысть архимандритомъ в Чюдовъ монастырь и порадовашеся со пресветлымъ государемъ царемъ всии полатни, и братия монастыря того о таковомъ поставлении его и бе видети в Чюдове монастыре зело благостроино и чинно и братство подвизавшеся всею любовию яко да смотряюще житие его и воздержание подражатели ему во всемъ будутъ. внегда же каково речение аще кто от дерзостных на него испущаше бы но онъ всемъ вся отпущаше и аки бы неслыша что отнюдь. пребываше пореченному во Псалме 36м, азъ же яко глух неслышах и яко нем неотверзая  [30] 
оустъ своих и бых яко человекъ неслыша и не имы во устех своих обличения яко натя Господи оуповах ты оуслышиши Господе Боже мои. Пресветлыи же великии государь царь и великии князь Алексеи Михаиловичъ, всея Великия и Малыя, Белыя России самодержецъ. велми  любяше и почитаху сего архимандрита Иоакима и на часте сему повелеваше пресветлыя свои государские очи видети, и беседоваше с нимъ зело любезно и в сладость послушаше его о всяких своих царственных делах великих ведыи его мужа праведна и добродетелна тиха и кротка.

Бысть же в лето 7175 году со [31] 

брание освященнаго собора и бяху на томъ соборе святеиши патриарси Паисии папа и патриархъ Александриискии и Макарии патриархъ Антиохискии Иоасафъ патриархъ Московскии. и всея России. и преосвященныи митрополиты со архиепископы и епископы. о неких нужнеиших церковнаго благочиния и исправлении и тогда освященныи соборъ имаши сего архимандрита Иоакима и всякихъ доношениих, и къ благочестивому государю царю, и вес освященныи соборъ благословяше. а всего святеишему же господину Иоасафу патриарху Московскому и всея России к старости добре скончавшуся в лето 7180го месяца апреля въ 14 день тогда воз [32] 
веденъ бысть на престолъ Всероссииския соборныя и Апостольския церкви на патриаршество святеишии Питирим патриархъ Московскии и всея Росии. бывъ прежде Новгородскии и Великолуцкии митрополитъ на своеж место святеишии Питиримъ поставляет сего архимандрита Иоакима в Великии Новгород митрополито ъ в лето 7182го  и отпущается на свои престолъ в великии Новгород и тамо паки зело благоразсудително паству свою оуправляше Апостольскоеже проповедания и отецъ догматы хотяще исполняти, и сего ради посылает на Соловецкои островъ во обитель Всемилостиваго Спаса и Пречистыя Богородицы и  [33] 
преподобных Зосимы и Саватия Соловецких чюдотворцовъ. в  Соловецкую лавру некоего архимандрита именемъ Макария.

И да с нимъ от соборныя церкви иереа Меркулия Гаврилова, и Феодора рекомаго Версиду и прочих духовнаго чину с молителнымъ и оутешителным писениемъ к тамошнимъ старцем и белцемъ тогда некое смущение, в церковномъ исправлении и противнымъ от некихъ розвратниковъ сошед развращеннымъ. пришед же в Соловецкии монастырь архимандрит Макарии и сущи с нимъ моляху по грамоте, сии речь писанию, преосвященнаго  [34] 

Иоакима митрополита, яко да приобщатся Святеи Церкви, да будутъ едино стадо и единымъ пастырем наставляеми и ничимъ же различествующе от восточныя церкви, тии же безумии в то время Соловяне безумиим своимъ невосхотеша благословения, непослушаша словес послания его и ничимъ же къ нему преосвещенному митрополиту сих паки возвратиша. сами же противницы вскоре вси погибоша. Егдаж благоволи Господь Богъ святеишему Питириму патриарху всея России оставя сего света преселитися в вечное блаженство в лето 7182.

И тогда Божиимъ благоволением царскимъ  [35] 

же прошениемъ всего освященнаго собора избраниемъ сеи Иоакимъ митрополит Новгородскии возведенъ бысть на высочаишии престолъ всея Росии и поставлен патриархомъ. и бысть зело кроткии и тихии пастырь и многая исправления во святои церкви сотвори.

Паствы же своя в царствующем граде Москве многия святыя церкви новопостроенныя каменныя созданныя от пресветлого цря и потом бывших от пресветлых цареи такожде и от христолюбцов. самъ  святеишии освященныя же и архиереом живущим в Москве свещати повелеваша а идеже за неоудоб [36] 

ство шестия и антимис посылаше освещати со благовеиными архимандриты и игумены и с протчими освященнаго собора яко да освящения службу и антимиса оных совершат. И тако правительством  его, многия святыя церкви каменныя же и древянныя очищахуся и не точию в царствующемъ граде Москве но и по семъ многия церкви создашася и освещаны быша в патриаршестве же своемъ архиереевъ самъ посвятивъ архимандритовъ же игуменов протопрезвитеровъ священниковъ и дияконовъ.

В лето же 7195е прошением великих государеи и великих князеи Иоан [37] 

на Алексеевича Петра Алексеевича, всея Великия и Малыя и Белыя Росии самодержцев и благослоениемъ Констянтинаполскаго патриарха на Киевскую митрополию тои же святеишии Иоакимъ патриархъ перваго с Москвы митрополита в Киеве посети, господина Гедеона месяца ноамвриа въ 8 день въ ….ыи день и от того времени Киевскии митрополит имат поставлениа от пастыря своего Московскаго и всея Росии. О милостыни же еже к нищимъ велие попечение имуще и созда в царствующемъ граде Москве мнозии ксенедохии, сии речь болнолежащии. и собирающе слепых хромых и престареиших и дающе имъ неоскудно  [38] 
повседневную пищу и одежду по всюду же о семъ нищелюбие и протчих же по духу сыновъ своих. И  преосвященныхъ архиереевъ якоже онымъ Московскимъ болницамъ из епархи своих, дадут некое споможение. они же послушливии сынове его, вси повеленная сотвориша. и по вся лета присылаху оную оуреченную милостыню к сущимъ нищим. бе же и от церковных правилных хранениих бодрыи стражъ. некогда оубо Полскаго краля послы духовнаго их чину восхотеша видети службу святеишаго Иоакима патриарха. и много молиши его самодержцы, дабы онымъ папежаном повелехъ присмотритися службе  [39] 
его но онъ никако сему восхоте, несть бо рече, повелено намъ молитву творити, а еретикомъ во святилище быти, по правилу святых отецъ, шестаго собора еретиковъ святилище невходно, и паки во ономъ правиле, еретикъ аще не овещается отступити от своея ереси, в церковь, да не входи ниже молитвы пред нимъ творити, и тако сохрани сия правила тверда до скончания своего. прилежна яже его к Богу моление, и теплая евангелская вера извещается. образомъ сицевымъ бе некии царского сигклита боляринъ именем Михаилъ, благороднаго корене Головиных. сеи Михаилъ, поведа ми сию по [40] 
весть приключися мне некоторое строение царскимъ повелениемъ оустрояти землемериемъ к царствующему граду Москве от земли даных дому святеишему патриарху, и сотворившему ми сие возвещено бысть, святеишему Иоакиму патриарху, и не бысть ему сие приятно. понеже земель оных пространства ради граждань взято бысть оу него. и глаголе ему да не обидится рече домъ нашъ патриаршии тобою въ меже вопреки. глаголюще яко праведно рекох сие сотворено онъ же глагола ми блюдися брате дабы что тебе от Бога не приключилось сие. мне же нему не  [41] 
покорная отвещавающе.  и по семъ в малых днех, нападе на супругу мою таковая болезнь в трех днех в мале нескончатися еи, въ третию же нощь, болезни оныя начат супруга моя глаголати ми яко от некоего видения оустрашившися доиде же рече ко святеишему Иоакиму патриарху и да испросиши прощение, понеже гневается Богъ на тебя его ради и видиши извещение гнева Божия болезнь мою. аз же вопрошах ея что ти быст рцы ми. она  же оумолча, и ничтоже не глаголати. слышавъ  же оныи боляринъ Михаилъ от супруги своея во оутрии день иде ко святеишему Иоакиму патриарху прошаше  [42] 
от него прощения и благословения себе же и всему дому своему, и поведа ему прилучившеся онъ же благослови его подаде ему прощение. и глагола ему Господь Богъ здраву да сотвори и супругу твою и придох в домъ свои, обретох супругу свою здраву и болезнь преста.

По неколицемъ же времени прилучися самому оному болярину Михаилу болезнь на шии его и велми страдаша от нея болезнь оную терпя и много пострадавъ от многих искусных врачеи, и не возможе ничтоже исцелитися пришедшу же оному мужу Михаилу, в соборную церковь Пресвятыя Богородицы  [43] 

во время святыя литургии. в тоже время святую литургию самъ святеишии Иоакимъ священнодеиствоваше; и егда приспе на Херувимскои песни оумовение святеишему патриарху. и по пренесении Божественныхъ Таинъ иподиакони оную святую воду оумовения архиереискаго ношаху и народомъ на приятие благословение в помазание прият же оныи Михаилъ тоя святыя воды краями перстъ своих и помаза очи свои, и лице, и оныи на шии своеи неисцелныи струпъ. Иглагола молитву сию молитвами всесвятеишаго Владыки нашего, Господи Иисусе Христе Боже нашъ, помилуи насъ исцели мя грешнаго. и аьие тогожъ дни исцелися и здравъ  [44] 
бысть хваляше Бога и прославляше святеишего Иоакима патриарха молитвы. Сию повесть самого оустъ его слышахх и писанию воспоминанию ради впред будущимъ родомъ предложих. яко и  въ наших временех таковыи добродетелныи мужъ тако поживе и житие свое соверши. и тако поживе и житие свое соверши. и тако молитвы его Господь Богъ послушаше по реченному Духомъ Святымъ, во Псвлме. Близ Господь всемъ призывающимъ его во истинну волю боящихся его сотворит, и молитву их оуслышит и спасетъ я.  [45] 

 

Послание к боголюбивому Афанасию архиепископу Колмогорскому како бысть преставление Святеишаго Иоакима патриарха.

Многихъ благословении архиереиства твоего азъ неключимыи исполнихся яко в прибытии преосвященства твоего зде в царствующем граде Москве. тако и по отшествии твоемъ архиереиском к благодарованному ти престолу глаголю же Богоспасамымъ градомъ Колмогорамъ и Ваге и протчимъ Поморию внегда благоволилъ еси чрез две грамоты посылати ко мне благословение свое, но азъ [46] 
неключимыи паче же рещи по святому Евангелию, непотребны рабъ Господа Иисуса Христа истиннаго Бога моего и послушникъ о Христе архиереиства твоего по настоящее сие время не получих времени таковаго дабы ко о преосвященному вашему воздравствовати и писание восписати и первое оубо о скончании временнаго жития во блаженнои памяти, преставльшагося всесвятеишаго киръ Иоакимъ Божеию милостию архиепископа царствующаго великого града Москвы и всея Великия и Малыя, и Белыя Росии и всех Северных странъ православного патриарха.

Второе же о семъ каковъ его  [47] 

святеишаго, при скончании его былъ заветъ. третие каково его был заветъ. третие каково его намерение было о святои литургии и от совершении таинъ. четвертое о трудех преосвященства твоего о книзе еи же титлу блаженнеишии и всесвятеишии Иоакимъ патриархъ положи нарече Щитъ Веры. пятое о  избрании новаго патриарха. шестое о исповеданиях рукописанных поданныхъ от новы схизматиковъ по все святеишему Иоакиму патриарху и о покаянии ихъ, пред святою церковию восточнаго православия потомъ же и о протчих ихъ же изявилъ, еси Божии архиерею намъ оубогимъ в грамотах своих. се ныне время  [48] 
благоприятна. се день спасения по гласу святаго Апостола Павла. ни едино ни в чемъ же дающе претыкания да служение порученное намъ архиереиством твоимъ исполнено будетъ, еже видехомъ, т еже слышахом и руце наши осязахом, Божиимъ словесы живущаго и живота вечнаго желающимъ, глаголюще скончание всесвятеишаго Иоакима патриарха, сице бо бе.

Прешедшаго бо от создания мира, и грядущаго по седмотысящном сотном и девятьдесять осмаго лета. марта, 4 числа, в среду первыя седмицы святых и великих постовъ прииде ему мала болезнь главная глаголемая рожа, и бяше  [49] 

ему трудно яко оуже немощи исходити на славословие Божие во церковь и тогда повеле вся церковная пения пети во своих патриарших келиах вкупе же и келеиныя моления соисполняхуся совершився же болезки (!) его яко днем седмымъ нача оная  пухления очищатися и снисходити и персемъ его оуже оубо и глаголати ему свободно бяше и опалящая тая жь болезни его яко днем не оутоляшеся и что день дне болезнь крепляшеся, но от немецких врачеи сии есть дохтуровъ никого же призываше аще и любовию от пресветлых иже по духу чад его. глаголю же благоверных великих государеи цареи и великих князеи  [50] 
Иоанна Алексеевича Петра Алексеевича всея Великия, и Малыя и Белыя Росии самодержцевъ премудрыя врачеве повелениемъ их присылахуся но онъ всесвятеишии никакоже даде себе врачевати иже суще верою ни едина мышлении, всесвятеишии Иоаким патриархъ себе изнемогающе позна себе яко близ день скончания его призывает во извещение православия своего исповедь его послушающаго пречестнаго господина отца Пахомия игумена Пречестныя обители Стретенскаго монастыря и все еже име в помысе своемъ возвести ему и от него с Богомъ святымъ яко от духовнаго  [51] 
своего отца приемлет собе да яко же известил ему таинственно сице и явственно чадомъ своим предложит сице писание исповедание и последняго гласа завет сии речь грамоту духовную. еиже начално положи сице. буди имя преначалныя всетворящия единосущныя святыя Твоицы Бога, Отца и Сына, и святаго Духа. благословенно и препрославлено от всея видимыя и невидимыя твари, во веки аминь и прочая яко же пишет в духовнои онои грамоте яже всем кратко писании замногость писании изобразитца аще востребует твое архиереиство сию же духовиую свою грамоту и своею  [52] 
рукою подписа и предаде ю яко да по скончании его подадут пресветлымъ великимъ государемъ в неи же толико и поведа, о православии и о всенародномъ и гражданскомъ житеистве и къ великимъ государем, молитвенная писания о святои церкви и о служителех яко да подавается оуставленная милостыня, сии речь руга не отъемлема и охранением православия паче же срещи христианъ от поганых же крещения в Росии ис имущихъ и на схизматиковъ латинъ и люторовъ никакожде повелеваше в началниках на христианы быти имъ яко аще и дерзностно рещи хотящему онымъ его писаниемъ ползоватися мню яко не  [53] 
требует многаго чтетия (!) и книгъ, аще оную грамоту начасте имать прочитати велию во ползу и многъ разумъ обрящет. преосвященнаго его таковаго исповедания и совета и поучения, и о семъ да не предложит словесе. Изыдемъ же паки к последованию в тыя дни, глаголю же билезни оныя его, яко в день седмыи, еже во вторникъ, вторыя седмицы великого поста бысть ему святеишему патриарху извещания яко да съ радостию преиде от мира сего во отцу небесному сицевымъ образом яко же поведа тои самъ святеишии Иоакимъ патриархъ от царския полаты околничему, а своих святеишаго патриарха  [54] 
росправных делъ болярину Михаилу Иоанновичю Глебову тои же мне смиренному по окончании его поведа седящу ми, глаголет святеишии Иоакимъ патриархъ оному Михаилу и в тои день въ келии своеи патриаршеи на одре своемъ завесою малою одру моему завешену в тои же часъ не бяше в келии моеи никагоже зрю бо яко приидоша нецыи зовуще мя идти ко царю азъ рече востах во обычаю моему облекохся в ризы своя и наложи на себе мантию яко патриархъ, и клобукъ белыи и восприях жезлъ патриаршеи и поидохъ водимъ под обе руце по чину патриаршескому.

Идущимъ же намъ в Верхъ ко царю  [55] 

зрех и видех многии предграды и вси оубо бяху новыи и пречюдныи и чюдяхся яко таковыи  предграды новыи и пречюдныи оу царя состроишася водиму же мне бывшу даже внити намъ в некую полату в Верху великому и прекрасному и видех поставлену трапезу яко предоуготовися патриарху оузрех же и ину трапезу и царя седяща, и се предстоящии начаше предлагати пред меня ядения предизрядная на трапезу стола моего отъяху же ястия оная рыбы великия и части рюбнывелми тучныя и протчая сладчаишая и рыбная брашна вся же сия не бяху мне оугодна и зело аки бы  [56] 
жадность и ревность мя, о заповедехъ Церкве святыя. поядаше глаголющу ми к предстоящимъ что творит таковая, государь яко в великии постъ, хощет питати мя рыбою, доколе сие будет развращение заповедимъ церковнымъ и сия рече мне глаголющю со многою горестию тогда глаголаша мне предстоящии трапезе моеи яко тако рекоша государь повеле быти, азъ же рекох к нимъ государь святая восточная церкви матере нашея истинныи сынъ и исполнитель заповеде ея а мне во святыи великии постъ почто рыбы повелех предлагати на трапезу мою и по семъ оуже не вем како изыдох или изведенъ бысть от палаты оныя и обре [57] 
тохся паки седя на ложи своемъ во время же видения моего в соборнои церкви пояху постныя часы. и сице сконча повесть видения своего, и сего ради (преосвященныи Афанасии) видимъ збывшееся святое Евангелие, глаголаше. Блаженъ иже снестъ обедъ, во царствии Божии, и паки во откровении святаго Иоанна Богослова, блажении звании на вечерю брака агнча.

Но о семъ точию ему святеишему Иоакиму патриарху о восхождении известися да послушаеши же и ину повесть ко царю якоже поведа ми до скончании же его святеишаго патриарха, игуменъ Пахомии Стретенскаго монастыря  [58] 

сице бысть рече мне яко до за три дни поскончанию его таковое видение в нощи спящу ми видевъ аки бы святеишии Иоакимъ патриархъ, ко царю идет с великою славою и оукрашениемъ великимъ патриархъшескимъ оукрашениимъ, яковым обычаем имать в Верхъ ко царю в великии день святыя Пасхи, со свещами с кандилы и с пениемъ и егда идущу ему воследствоваху ему два ему скончавшияся патриарши боляре, Иоаннъ Лызловъ и инъ некии Беклемишев. и два патриарховы диакони, Иоаннъ Калитинъ и Дионисии Дятловскои. глагола же имъ игуменъ Пахомии, яко вы рече не здешния люди есть,  [59] 
они же рекоша ему, яко несть мы здешния жители. игуменъ же отвещавъ рече имъ да почто оубо зде есте тии иже рекоша ему яко царь повеле быти намъ за патриархомъ. в то же время святеишии Иоакимъ патриархъ зело высоко на крылца оныя царския восхождаше якоже ми трудно зрети и глаголаше ми тии патриаршии боляре, и диаконии, отче игумене что ты зриши за Иоакимомъ патриархомъ, яко царь ему повеле оу себя быти оу вас же онъ к тому не будетъ. а будет у васъ ины патриархъ еще лутше сего игуменъ же Пахомии глагола имъ яко оубо вы оумерли есте, тии же рекоша си тако есть  [60] 
глагола имъ игуменъ, да како оумирали есте тии же рекоша ему зело оубо бысть в смерти трудно нам инъ оубо бысть в смерти трудно нам инъ оубо есть суд Божии. а инъ человеческии до зде видение еже поведа ми пречестныи отецъ Пахомии и яко же аз от него слышах сице и написах неоухищрениямъ басням, да и намъ последующе но истиннаго от таковаго честнаго мужа, от оустъ слышавшу ми и написавшу, но и по немъ же архиепископу твоему повеления, грамоте повинующемися и прочая понуждает мя возвестити тебе оттотле оубо святеишии Иоакимъ патриархъ вели ему молчанию и молитве Божии вдадеся и толико оумно молитве и оумному мы [61] 
сленному предстоянию внимаше яко оуже и приходящимъ по обычаю патриаршескому вопрошающих его о всяких делех церковных же глаголю и внешнихъ вмале отвещеваше протчее же глаголаше имъ отидите от мене и не сотворите споны глаголати беседу с Богомъ. и сице многажды к вопрошающим глаголющу нецыи познаша яко онъ оумомъ своимъ пред Богомъ стоитъ или во святеи литоргии или во иномъ каковомъ славословии Божии, и от сего познаваху яко оугодникъ есть Божии приходящу же дневи месяца марта 17 числа. К понедельнику третия седмицы в нощи велми изнемогшу ему повеле призвати  [62] 
къ себе иже по духу сыны своя преосвященная архиереи, митрополитовъ Адриана Казанского, Евфимиа Сарского, Аврамия Резанского, Питирима епископа Тамбовскаго, архимандритовъ же Иосифа Володимерскаго Иоасафа Чюдовскаго игумену же Пахомию ту не отступно оуже пребывающу, и тако всесвятеишии Иоакимъ патриархъ повеле имъ свящати себе самого елеомъ помазаниемъ. Елеом же самъ себе помаза поддержавшу вселюбезно оученику его Адриану митрополиту Казанскому под руку его. и потомъ повеле принести Пречистыя таины животворящее тело и кровь Господа Бога и Спаса нашего Иисуса Христа, своего ему  [63] 
священнодеиства, еже бысть во святыи великии четверток и тако со многою верою, и горящим желаниемъ и теплою любовию причастися того Божественнаго Таинства и благодаряще Бога, глаголя слава тебе Боже трижды и прочая благодарственныя молитвы во оутрии же день, 17 марта слышано бысть, яко святеишии Иоакимъ патриархъ конечное изнеможение имеет тогда прихождаху вси иже кая прегрешения имеюще и запрещения бывши от него яко да лучатъ прошение, прежде даже не отидетъ от жизни сея. в тои же час, прииде царскии  духовникъ протопрезвитеръ сыи соборныи Благовещения пресвятыя Богородицы, иже  [64] 
в царскомъ дворе, именемъ Меркулии мужъ престарелыи и добродетельныи повеленъ бывъ молителне просити прощения от него, благовернои царевне и великои княжне Софии Алексеевне, юже святеишии, за некоихъ человекъ противящихся царствию, яко бы заступающу от причащения отлучи. видевъ же святеишии покорение ея ко святеи церкви, и разумевъ неповинно в томъ быти прости ея и разрешение подаде. Ппотопрезвитеръ же Меркулии с радостию шед вся сия возвести пресветлои царевне, пребывающеи онои тогда во обители пресвятыя Богородицы в Новодевическомъ монастыре потомъ же некии прииде благородныи  [65] 
боляринъ, именем Кирилъ, царевъ сыи сродникъ и тои такоже, прошаше прощения и разрешения о неволею наложениемъ на немъ монашескомъ одеянии, егоже самовластне онъ отложи, и сего ради

 Бяше на немъ яко ис сам оуправльшеся запрещение. видевъ же святеишии Иоакимъ патриархъ, и сего оумиление пришедша, и припадоша к нему прости его и подаде ему разрешение и благословение христианства и сожителства и супружнаго подаде же благословение и всему дому его о Христе, посемъ же и ина мнозии прихождаху просяще прощение от него и благословение бысть же дне того яко часъ пятыи приидох  [66] 

и азъ грешныи списавыи сия во граде Кремле и видих входящих и исходящих ис крестовои Полаты святеишаго патриарха печалныхъ оных же и плачющих и вопросихчесо ради печаль сия вамъ бысть тогда нецыи отвещавше рекоша ми, яко солнце рече православия хощет заити. тогда разумех яко о святеишемъ Иоакиме патриархе, глаголют хотящимъ скончатися. и вскоре воиду к нему в келию его внегда же пришедшу ми к нему видев его велми от болезни изнемогша и всех приходящих прошающихся и просящихся благословения оу него, и целующих святеишую десницу его припадох и азъ к нему  [67] 
такожде прося прощения и благословения и целовахъ десницу его, и егда приникшу ми, к нему глагола ми тихо святеишии Иоакимъ патриархъ слышащу сия и преосвященному Ефимию митрополиту Сарскому и Подонскому и духовнику его игумену Пахомию, и Чюдовскому еклисиарху Моисею в то время поддержавшеми десницу его, дело мне рече до тебе, и паки рече дело мне до тебе. азъ же отклонихся мало яко такоже, поидоша и инии архимандриты и игумены прощатися и целовати десницу его, и по мале помянух оному еклисиарху Моисею вопросити святеишаго патриарха, глаголя что  [68] 
есть дело ему до мене, отвеща же паки святеишии Иоакимъ патриархъ, глагола ми третие дело мне, аз же паки проникнувъ к персемъ его и вопросих самого его, и глаголах ему что есть дело тебе государю до мене святеишии великии архиерею. Онъ же отвещавъ рече, соделаи мне гробъ азъ же рекох ему, и чтоти изволило се сие великии господине нашъ мы молимъ Господа Бога яко да подастъ намъ паки видети тебе здрава и за нас благость его моляща. Святеишии же Иоакимъ патриархъ рече ми яко бы негодуя ни не тако, азъ же паки глаголахъ ему, и что повелеваеши великии архиерею творити, глагола ми святеишии  [69] 
погребите мя оу Всемилостиваго Спаса на Новомъ. азъ же рекох ему яко же волит святеишество твое буди повление твое и где оубо и в котором месте повелиши погребсти себе, онъ же рече ми где оубо Павелъ митрополитъ, тамо и мене погребите, и рекохъ к нему по повелению твоему великии архиерею, вся сотворимъ. тоиже паки рече ми предаите персть персти погребите мя в каменномъ гробе и сия рекше ему азъ рекох к нимъ аще Богъ повелит вся сия оусердно сртворим тогда оубо азъ слышахъ сия неотступих оуже от послужения его с протчими и глагола намъ духовныи отецъ игумнеи Па [70] 
хомии яко да начнется молебное пение о свобождении болезни его и благословившися намъ от святеишаго Патриарха, начат игуменъ Пахомии мне же смиренному читающу канонъ за болящаго и прочее молебнаго пения и молитвы совершившуся же молебному оному пению видехомъ его зело оутихающа начася и правило певаемое на исхо (!) души и молитвы отпуска и по семъ начат преосвященныи Аврамии митрополит Резанскии чести святыи четверто благовестие от начала первое, еже часть некую. И по семъ повелено ему бысть последующее чтение святаго Евангелия читати архимандриту  [71] 
Иосифу Володимерскому и четшу ему даже до среды благовествования того от средыж повелено бысть, читати мне и прочтох тое святаго Матфея благовествования даже до конца. Прииде же посещения ради и преосвященныи Адрианъ митрополитъ Казанскии, и тои начатъ чести благовестия святаго Марка евангелиста святеишему же Иоакиму патриарху, зело болезнено, и оуже тихо дышашу прочетшу же ему часть некую возприемлет по благословению его святое Евангелие чести иеромонах Павелъ святеишего патриарха и крестовои служитель. В то время дне того яко часъ девятыи видевшии же его святеишаго Иоакима патриарха [72] 
 намъ яко оуже готовящеся ко исхождению от телесе, повеле преосвященныи митрополитъ Адрианъ Стретенскому игумену Пахомию восприяти руце свои крестъ благословящи и стояти пред лицемъ святеишаго Иоакима патриарха яко да зрит на него святеишии патриархъ сам же преосвященныи митрополитъ Адрианъ вземъ святую воду и кропляше лице патриарха и чюдно бысть зрети внегда бо крапле святыя воды на лице патриарше кончаша тогда святеишии яко воздравии векомъ своим двизаше и от сего разумеша яко читаему иеромонахомъ Павломъ  [73] 
и приходящу читати зачало, Марка. глаголющее прииде Иисусъ и оученицы его в Капернаоумъ и в дому бывъ вопрошаше ихъ что на пути к себе стязаетеся они же молчаху другъ ко другу стязахуся на пути кто есть болии и сед пригласи дванадесят и глагола имъ аще кто хощет первыи быти да будет всех последнии и всем слуга, и приимъ отроча постави е посереде ихъ и обьем их рече имъ, иже аще едино таковых отрочат прииметъ во имя мое мене приемлет и иже аще мене прииметъ не мене прииметъ но пославшаго мя. таковому святому Евангелию наставшу читатися тогда святеишии Иоакимъ патриархъ со всякою тихостию  [74] 
предаде духъ свои, Господу Богу и с миромъ почи телесно оубо на одре духомъ же предста Святеи Троице во единомъ Божестве славимому Отцу и Сыну и Святому Духу, ему же слава во веки аминъ.

Тогда возвещено бысть о скончании святеишего птриарха, и пресветлым великимъ государемъ, царемъ, и повелением ихъ повелено бысть возвестити, и всемъ сущимъ жителем царствующаго града Москвы, таковымъ образомъ в великии Оуспенскии колоколъ повеле оударити трижды, такожде и в другии колокол, бывшии, прежде бывшии, такожде трижды возвониша и от сего всем познана бысть  [75] 

яко преставися Иоакимъ патриархъ и тогда вси течаху во градъ Кремль, на видение и на благословения его в преставлении сподобитеся во от ны часъ роеставления его еще не было оного трикратного благовесту в томъ же царствующем граде Москве, монастырь есть Пресвятыя Богородицы и Петра чюдотворца Всеросииского зовомои Петровскои в том монастыре, бе некии братъ именемъ Маркъ, прибывая в келии тогож монастыря оу архимандрита Иова, и изыде на монастырь некоего ради послушания и видит над градомъ Кремлемъ якоже некое зарево бывающее во время запаления, и глагола архимандриту Иову отче святыи не [76] 
ведомо что над Кремлем паки зарево от огня, архимандрит же Иовъ изшедъ от келии своея на монастырь виде такожде яко кругъ некии озаренъ светло над Кремлем и почюдися иде в келию в тоиже день и час мрачно бяше ибо и облаками облачено, точию в томъ месте светло бяше яко огнь, егда же по семъ оуслыша яко в тои час преставися святеишии Иоакимъ патриархъ. Тогда позна яко тое знамение непросто бе но явление преставление святеишаго патриарха.

По скончании же святеишаго Иоакима патриарха собрашася вси архиереи митрополиты архиепископы, и епископы при [77] 

лучившиися и весь освященныи собор и сподобяще честию скутавше святеишее тело его по архиереишии внутрь же на тело его возложиша, первыя монашеския ево одежды свиту и мантию и положивше в ковчегъ дубовыи принесша его из келии его во храмъ Дванадесят святых Апостолъ. cо псалмы и песньми и провождения, и поставиша его посреде на целование всем приходящим отшедшимъ же комуждо в домы своя бе бо яко уже четвертыи часъ нощи духовнои оубо граммате святеишаго Иоакима патриарха написано яко да положится тело его во обители Всемилостиваго Спаса на Новом вместо Киевскаго Ме [78] 
жигоръскаго монастыря. любовию же по духу сыновъ своих и паствы его восхотеша положити его, в велицеи соборнеи церкви Пресвятыя Богородицы честнаго ея Оуспения, мне же о том велми скорбящу яко по духовному его приказанию неисполняется обители святои благословения его желая зело молях преосвященных митрополитовъ архиепископов и епископовъ, и весъ освященныи соборъ дабы милости просили оу пресветлых великихъ государеи во еже положитися телу его во святеи обители но любовь ихъ паче множашеся, и никако же разлучитися от видения егоже хотяще положиша совет и донесоша  [79] 
царскому величеству яко да погребутъ мощи его въ соборнеи церкви во осмыи надесят день марта приоуготовившеся яже к погребению приличная и принесоша тело святеишаго патриарха из Апостольския церкви в соборную и Апостольскую великую церковь одръ на нем же тело его лежаща несоша, архимандритъ же и игумени провождаху же, и сами самодержцы великия государи цари, и весь освященныи соборъ и поставиша, посреде церкве. певшим же вечернее славословие ко преждеосвященнои и на входе егда поется свете тихи внесоша тело его со одромъ во святыи олтарь и поставиша близ святаго престола десныя  [80] 
страны во время пения преждеосвященныя литоргии некии человекъ именем Петръ рыбникъ стоя оу западных двереи соборныя церкви вид очевидство аки бы святеишии Иоакимъ патриархъ во олтари с кандиломъ хождаше поддержим двема диаконы, и глагола со продстоящими зрите братие я святеишаго патриарха взяша от гроба и се кадяща святымъ кадилом водят его диакони и тои оубо Петръ видя прочии же невидеша неоткрыся ко имъ и глаголаху к нимъ яко ничто же сего несть, тои же крепляшеся глагола смотрите братие яко и на горнее место его возведоша и абие очютися от видения и оумолча сия же вся поведа  [81] 
тои Петръ иеродиакону монаху Иоакинфу, иже бяше прежде патриаршии ризничеи тои же Иоакинфъ мне исповеда аз же яко от достоверна мужа слышах тако и написа в ползу слышащимъ. В тои же нощи егда стояше тело святеишаго Иоакима патриарха во Апостолскои церкви намъ же всем отшедшимъ комуждо во своя и се некто от чина царскихъ столниковъ и княжеского рода прибеженъ бяше ко святеи соборнеи и апостолскои церкви на всеношная пения яко же и святеишии Иоакимъ всегда благослов [82] 
ляше и нарицаше его добрымъ и бодрымъ прихожеником соборныя церкви и милостиво всегда его благословяше внегда бо пред скончаниемъ его прииде к нему святеишему патриарху тои столникъ прощения и благословения испросити и во оно время познавъ святеишии его и порекло его именивъ сему оубо столнику и князю отшедшу в домъ свои и по пении обычнаго правила своего начеишу и канунъ за едино оумершаго пети и молитися оупокоении души святеишаго Иоакима патриарха со многими слезами поминая милостивое благословение его совершившу ему тои канонъ восклонися прияти покои и абие внегда заснути ему видитъ себе паки якобы во апостолскои церкве идеже лежит тело святеишаго Иоакима, и ви [83] 
де его идуще во святыи олтарь в мантии и в белом своемъ клобуке имеюща и посох патриаршескои он же припад к нему прошаше благословения, святеишии же Иоакимъ благослови его и даде ему и главу свою поцеловати якоже подаст патриархъ и архиереи къ благородныъ людемъ приидеж и инъ некии такоже от чина столническаго и того благослови но не подавъ главу поцеловати и тако отиде святеишии патриархъ во олтарь доселе видение. Оныи же возбнувъ благодаряше Бога и святеишаго патриарха яко сподоби его благословения, во обители же Спасово на Новом пришедшу ми тои же нощи на оу [84] 
треннее славословие и читавшимъ доместикомъ по псалмопении данныя им статии прииде единъ доместикъ или простои рещи головщикъ по чтении по обычаю прощатися его же аз призва и сказах ему яко святеишии Иоакимъ патриархъ повелех рекох погребсти тело свое вместо Межигорского Киевского монастыря, идеже пострижение его бе. зде во обители Спасове под святымъ олтаремъ великия церкве но преосвященнии архиереи любовию к нему побеждаеми, не хотят приказания его исполнити изволяют же погребсти его в соборнеи церкви онъ же доместикъ слышах сия от мене, глагола мне рече в сию нощь по [85] 
 хрепту рукама со ударениемъ благословлял есть, онъ же вопросилъ рекох ему и како тебе бысть видение сие, доместникъ же рече видехъ оуже пред благовестомъ оутрени в трапезе монастыря сего святеишего Иоакима патриарха за трапезою седяще со всеми своими патриаршими такожде и насъ всех с настоятелемъ на тоиже трапезе седящимъ и мало посемъ не оузрех святеишаго Иоакима патриарха на трапезе вопросих же о нем и где есть святеишии патриархъ и тогда нецыи глаголаше ми яко на крыльце изшелъ есть прохладитися аз же слышах воста абие и изыдох видети его приидох же и видехъ [86] 
 его седяща на ономъ крылце трапеза же и крылцо беяху без меры светлии и поклонихся ему до земли онъ же вопроси предстоящих кто есть сеи кланяется предстоящии же поведаша ему о мне яко онъ сице есть имя ми прирекъше святеишии же Иоакимъ патриархъ радостно и именем его доместника нарицая Харлампие и благословляше его обема рукама по хрепту глаголя Бог да простит тя трикратно и посемъ очютися от видения сеи же доместик Харлампии бе постриженик его самого святеишаго Иоакима патриарха егда же еще в Чюдове бяше архимандритомъ бысть же прежде сего на сего  [87] 
Харлампия и гнев его святеишаго патриарха, яко и образа монашеского неповеленно бяше ему носити по некоторым нанесениемъ но видя его в монашестве твердость паки прости его и образ монашескии повеле имети ему во извещение же прощение и сие ему от него бысть велие видение. сияже аз слышах от него порадовахся, и яко святеишии Иоакимъ патриархъ аще где и положенъ будетъ но духомъ оуже посему видению с нами есть его же молитвы аз непотребныи призывая егда подписывах стенописания оукрашения в Спасове монастыре во олтаре повелех изографомъ и написаше подобие его со святеишими Мос [88] 
ковскими патриархи близъ святыя трапезы на столпе во славу Божию сия (твоему архиереиству на разсуждение) предлагаю и прошу с преосвященством твоимъ да незазриши трубости моеи яко пишу сия ничесоже ради иного но да незабвенно будет таковаго пречестнаго и добродетелнаго подвижника добродеяния видимъ бо яко и по смерти его Господь Богъ намъ чадомъ его таковая святыми молитвами его подает оутешение да не стужает же преосвященство твое. и ину повесть таковых же видении слышати онемъ еже поведати оныи от царския полаты столникъ княжеского рода видевыи его благословение якоже выше писано есть.  [89] 

Тогож великого поста в мъже преставися святыи Иоакимъ патриархъ в неделю пятую пред всенощнымъ пениемъ мало почивати восхотевъ после обычнаго своего правила видитъ себе в восторжении аки бы в самои великои соборнеи и апостолскои церкви пресвятыя Богородицы святеиши Иоакимъ патриархъ Божественную службу великаго Василия, самъ собою священнодеиствует начася же ему видение оно яко от молитвъ третия часть святыя литургии и еже начало достоино и праведно есть и протчая зритъже с нимъ сослужащих и прочим архиереовъ позна же и твое преосвященство таможе и неких архимандритов позна же  [90] 

себе же глаголет яко имяше сослужаща такожде видех же на себе якобы ризы архиереиския и дивляшеся и читаше молитвы совершения даже и до самого причащения егдаже причастися святеишии Иоаким патриархъ тогда и всех причасти святеишии святых таинъ причасти же и онаго видевшаго и поведавшаго сия и все по чину совершися святыя литоргии, даже и до псалма благословлю Господа и егда наченшуся оному псалму абие от видения очистися очютившуся ему обрете сердце свое многия сладости исполнено. и по некоем дни пришед в соборную церковь возвести ми аз же яко  [91] 
оного от него слышах тако и написах. Некии добродетелныи мужъ именемъ Андреи рода немецкого православия же Грекороснаго по реклу Виниоусовых его же весть и преосвященство твое сеи оубо Андреи имеяше живописанную икону святеишаго Иоакима патриарха въ дому своемъ любовию къ нему святеишему патриарху побеждаемъ еще живу, ему сущу изографомъ повелелъ есть написати по скончании же святеишаго прииде къ нему помышление яко оуже рече святеишии Иоакимъ преставися и что в сеи иконе дело есть, и не треба ми ю держати. сияже ему помыслившу и к неким словесы розглаголавшу прилу [92] 
чися же зрети ему во небе, святеишаго Иоакима и глаголюща къ нему, Андрее имаши образ мои написанъ оу себе и хоощеши ли небрещи его онъ же рече ему и что ми архиерею великии во образе, яко ты преставися глагола же ему святеишии Иоакимъ патриархъ, побереги образъ мои, яко и впред пригодися онъ же возбнувъ от сна по премногу благодарствоваше Бога и святеишаго Иоакима патриарха прославляше и глаголаше яко во истину угодникъ есть Божии и образъ его почиташе поведа же сие видение оныи Андреи пречестному отцу Ефимию старому келарю Чюдовскому тоиже Ефимии мне въ беседовании духовномъ  [93] 
исповеда. вопросихъ же азъ и онаго Андрея, и тои такожде сказа ми, азъ же яко слышах сице и написах въ полезное читателем многимъ же и инымъ духовным же и мирскимъ являшеся во сие святеишии Иоаким патриархъ и о полезныхъ наказавше о них же якоже слышах таковая и возвещу архимандрит же Иовъ вышеупомянутыи Петровскаго монастыря поведа ми некогда рече по правиле моемъ келеиномъ видех во сне аки бы живу сущу Иоакиму партиарху вождах его под руку из крестовои его святеишаго патриарха полаты во храмъ святых 12 Апостолъ и глагола ми святеишии Иоакимъ патриархъ како пребываеши  [94] 
аз же рекох к нимъ яко молитвами твоими хощу спасенъ быти онъ же глагола ему в монастыре твоемъ братия суть самовластнии потреба тебе над ними зело смотрити. и иная  многая пооучаше его о хранении и о попечении монастыря и братства и тако возбнувъ от видения благодарствоваше Бога, и святеишаго патриарха Иоакима, четыредесятницу пред скончаниемъ тоя яко за три дни еже есть в неделю седмую по Пасце оныи вышеупомянутыи княжеского рода Георгии такожде по правиле своем пред всенощнымъ во сне такожде святеишаго Иоакима патриарха въ соборнои и апостолскои церкви пресвятыя Богородицы на литор [95] 
гии Божии святеишии Иоакимъ патриархъ намъ во сне ставъ пооучаше народы зело полезно и оумилително оному Георгию от полезного слышания во оумиление зелное приити и с плачемъ слезнымъ облиятися возбнувъ же от сна обрете лице свое многих слез и исполнено сердце же его радостию и веселиемъ наполнися таковая и толикая якоже от них слышах сице и к преосвященному твоему написах ведыи твою жалость о немъ святеишемъ Иоакиме патриархе и помних яко любезнеиша в подвизе Божии ревности при немъ святеишемъ патриархе твоего тщателства и даже до смерти некогда с нимъ на  [96] 
оных капитоновъ подвизался еси пачеже и на новоявльшую латинскую дымащуюся главню Аркудиеву или Медведеву нань же и книгу Щит православия названную написалъ еси советомъ и благословением святеишаго патриарха Иоакима юже ныне и вси архиереипохвалиша и молиша нынешняго святеишаго киръ Адриана Московскаго и всея Росии дабы повелелъ типогравскимъ тиснением издати и во весь людъ Божии въ ползу православия разпослати таковая оубо тои книзе от верныхъ похвала и Богу слава воздася и о семъ оубо преосвященству твоему, ведение довлеет каково скончание святеишаго Иоа [97] 
кима патриарха бысть и яко молитвами его ныне даде намъ Богъ истиннаго оученика его и сопрестолника великого господина святеишаго киръ Адриана патриарха Московскаго и всея Росии и всехъ странъ его же возведение бысть на престолъ Всеросиискаго патриаршества по благословению Божию и прошениемъ великихъ государеи цареи и великих князеи Иоанна Алексеевича, Петра Алексеевича, всея Великия, и Малыя и Белыя Росии самодержцев и избраниемъ освященнаго собора в лето 7198 августа въ 24 день в память пренесения честных мощеи иже во святыхъ Отца нашего Россиискаго чюдотворца Петра митрополита  [98] 
Киевского тоиже его да подасть Господь Богъ нашъ свои правителствующа слова истинныи на многа лета бысть же пред возведениемъ его и некая распря от некоего иже бяше ипоплеменникъ притворяшеся же россиянинъ, иже не вемъ како промчеся яко бы произволяшеся оному и на потриаршество возведену быти но Божиимъ предведениемъ молитвами святеишаго Иоакима патриарха Московскаго. Или посланием прежде сего писаннымъ от всесвятеишаго господина Досифея патриарха Иерусалимского не повелевающаго въ духовномъ чине в Росмм иноземцовъ Поляко пастырми поставляти осторожно сие бысть и са [99] 
модержавнии наши государи послание оно исполниша и благословение святеишаго Иерусалимского патриарха яко да сохраницы прошения его сподобишася и повелением ихъ избранъ бысть возлюбленныи оученикъ святеишаго Иоакима патриарха вышеименованныи великии господинъ святеишии киръ Адрианъ патриархъ Московскии и всея России.

Но якоже глаголет божественныи Апостолъ их же Богъ прооувиде тех и призва сих и оправда м ихъ же оправда, сих и прослави. И тако во истинну исполнися сие Апостолское слово на святеишемъ Адриане патриархе. яко во блаженои памяти святеишии Иоакимъ патриархъ еще жив сыи  [100] 

егда некогда ходившу ему своима двема архиереома в патриаршеи своеи ризнице и егда возжеле святеишии Адриан еще сущу митрополитомъ Казанским просити излишняго ис патриархии посоха тогда святеишии Иоаким патриарх благослови его посохом и патриаршество прорече еже и збысться по его благословению и проречению по скончанию его тож лето хождения сие же пишу не якоже архиереиство твое невесть но истиннее яко все сие вкратце о благословении писанное и видел еси и слышалъ от устъ святеишаго Иоакима патриарха и егда избрание бысть на патриаршество твое же преосвященство не иного кого писаниемъ но  [101] 
точию святеишаго господина Адриана патриархом избирааъ еси памятуя благословение в подаянии посоха ему святеишему Адриану еще сущу митрополиту казанскому от святеишаго Иоакима патриарха бывшее иногда и тако убо церковь святая съ чады своими православными возвеселися и всегда веселится радостию великою сладко учителнымъ и красногласнымъ вещанием его противницы же латино мудрствующи посрамишася яко неизбысться злое намерение их по вышеописаному словеси многоже о сем
не требую писати, понеже
желаю любовию 
скончати.
 [102] 

Сроднои четверице стихии предается, душа же на правосудие Божие поемлется и наследитъ аще благая аще злая яже с теломъ си содела по деяниемъ мзду оубо его же Творца моего благостию азъ рабъ грешныи Господа Бога Иоакимъ патриархъ Московскии и всея Росии и всехъ северных странъ родителми благочестивыми родихся в миръ сеи и во благочестии непорушномъ Восточныя церкве в православнои вере воспитанъ и доидох судбами Божиими состарения летъ ине седмидесяти пророческия святаго Давида меры естественною же моею те [103] 
лесе крепостию изнемогаю совершение сего ради памятствуя о смерти последняго разрешителного часа яко от зде всяко имамъ ити къ Богу Творцу моему естественныи долгъ отдати ине воли моея положение здравствуи оумомъ моимъ и целостию разума судих сие духовное последнее мое писание написати како бы души и телу моему сотворити помощь и прещедрыи владыка нашъ Господь, даровал бы милосердие свое мне смиренному и грешному, како же кому намерение мое ради Господа Бога исполнити подобает, зде завещаваю прошу и молю и о мне творю известие, в первых оубо извествую симъ пи [104] 
саниемъ веру мою, яко верою в Бога в Троице святеи единаго по научению самаго спасителя нашего Бога по проповеданию святых Апостолъ и Богоносных Отецъ святыя восточныя церкве и еже святии отцы на седми вселенских седми соборех духомъ святымъ собрании предаша и наоучиша в томъ до последняго моего издыхания пребываю яко истинныи сынъ святыя восточныя соборныя апостольския церкве несумненно и егда азъ прешедшаго 7163 лета пришед в Киевскии общаго жития Межугорскии монастырь и постригохся в монашескии чинъ когда обещахся и в велием моем оусердии жалах за моя злая  [105] 
дела и многое прегрешение, яже въ мирскомъ житии и в военных случаех полковых содеях и прогневах Творца моего владыку, дабы ис тоя святыя обители никаковымъ образомъ нигде исходити и плакатися грехов моих тамо, или оуединенно в пустыни, или во отшелничестве кончити жизнь мою и тело мое грешное въ томъ обещания моего Преображения Господа нашего Иисуса Христа, в Межигорскомъ монастыре погрести весма хотехъ, но волею Божиею или попущениемъ за грехи моя сего не вемъ обаче якоже весть судбами своими допусти мя неточию священства оттуду мне отлучившуся по и архиереиства и краи [106] 
няго патриарша Всеросиискаго престола и всех северных странъ председателя и въ духоводство и оуправления въ церкви Христове многаго народа оуже шестое надесят лето имамъ сего ради зело болезную еже мое обещание во единстве жития не исполнися к сему о истязанию и взыскании преданнаго мне грешному народа христианского велми болезнию содержуся.

Темъ же слезно прошу у всея Божия церкви оу святеиших патриарховъ православных Константинаполскаго, Александриискаго Антиохиискаго же Иерусалимскаго. и ктоли по мне будетъ на патриаршемъ Всеросиискомъ престоле святеишии патри [107] 

архъ прощения во всемъ и разрешения оу всего православнаго народа молитвъ святых смиренно велиимъ оусердиемъ прошу да помолятся о душе моеи Господу Богу и пресвятеи деве Богородице Марии да сотворит Господь милость бедствуемеи души моеи. и проститъ согрешения моя и сподобитъ небеснаго царствия его.

При семъ благочестивеишим великим государемъ царемъ и великим княземъ Иоанну Алексеевичю, Петру Алексеевичю всея Великия и Малыя и Белыя Росии самодержцемъ в дусе святом духовнымъ моим чадом и благоверным великимъ государынямъ царицамъ и благородному государю  [108] 

царевичю и великому князю Алексею Петровичю и благороднымъ царевнамъ миръ Божии и благословение и прощения подаю, такожде и всемъ архиереемъ Всеросиискимъ миръ и благословение подаю и всеевященнаго и духовнаго чина и весь народ христианскии благословляю прощаю и разрешаю кающияся всесовершенно во всех приключениях которыи же священнаго чина люди въ тяжких винах священства лишении и темъ прощения буди а таино деиствовати по правилу святых отецъ, и по нашему суждению никакоже попустится.

Аще же кого чемъ прогневах и досадих. или оскорбих коего либа сана  [109] 

люди и чина, каковым либо образом яко человек согреших будеши в достоинстве сего великого началства смиренно прошу согрешениемъ моимъ прощения оу них.

Внегда же душа моя разрешиттся от союза плоти сея вручаю ону премилосердаго Бога создавшаго ю. непобедимому благоутробию да приимет ю милостивно яко свое дело тело мое окаянное предаю матери всех от неяже взятъ бысть чая отуду в последнеи трубе востати совершенно. такоже завещаваю творити по смерти моеи понеже ради далняго от Межигорского Преображенского монастыря разстояния и великого неудобства  [110] 

невозможно телу моему грешному тамо в монастыре по моему прежнему обещанию погребену быти сего ради молю и прошу благочестивеишия великия государи цари и великия князи Иоанна Алексеевича, Петра Алексеевича всея Великия и Малыя и Белыя Росии самодержцы и весь освященныи соборъ священнеишиих архиереевъ и протчих священнослужителеи да предастся тело мое сроднеи земли и погребут оно во святеи пречеснеи обители Господня Преображения близ сего царствующего града Москвы оу Спаса на Новомъ, а не соборнои великои церкви, патриарша престола положити же мене во гробъ крепце, во одеянии  [111] 
монашескомъ, и обязати тело мое грешное по чину монаховъ. якоже всии святеишая патриархи греческие Константинополские Александрииския, Антиохииския, Иерусалимския, полагаются архиереискими же одеждами отнюд не облачати, ибо и зде видим святыхъ архиереевъ тако древлеоблеченых телеса яко Алексея святаго митрополита и чюдотворению дара сподобившагося. Мощи святыя его имутъ простое одеяние монашеское, дабы и мне в то со святеишими патриархи несравнитися да поне темъ по обещанию моему хотя мала отрада души моеи сотворится. еще же завещеваю по смерти моеи в поминове [112] 
ние души моея да во всеи патриаршеи области всехъ церквеи. Кроме архиереискихъ епархии по окладу данныя денги на год оставити священникомъ тех церквеи на сорокоустие и в казну патриаршу тех денегъ за тое лето не собирати.

Такожде всемъ тяглым дому патриарша крестьяномъ во всех вотчинах оброчныя денги на год въ милостыню да отдадутся и впред того и мъ не зачитати и не собирати за то год келеиныя мои вещи котории суть денги и одежды да раздадутся по росписи.

На погребение же тела моего и в поминовение души архиереемъ дати и прочиимъ служителем по росписи.  [113] 

По соборнымъ же церквамъ священнослужителемъ и по монастыремъ где прилично, давать ис казны сорокоусты въ поминовение по обычаю прежнему.

Въ Спаскои монастырь на Новое где тело положится моего тщания и трудовъ дать из казны патриаршеи домовои денегъ (стр.113) рублевъ на церковное строение въ строение же, или исполнение сего моего завета. да будет во Господе и Дусе святомъ сынове мои благочестивеишия великия государи цари и  [114] 

великия князи Иоаннъ Алексеевичь Петръ Алексеевичь всея Великия и Малыя и Белыя Росии самодеожцы. их же царское пресветлое величество ради преблагого и всеназирающаго правителя Бога и пресвятыя Девы Богородицы Марии. смиренно и желателно прошу. да посему моему заветному писанию они великия государи все да исполнятъ и тщаниемъ своимъ царскимъ ради ползы души моея дабы оумилосердился владыка  небесныи надо мною последнюю любовь свою сыновъскою духовною мне въ томъ отдати благоволятъ.ради же  прилежного моего завещания еже бы все тако исполнити молю да въ доношении имъ великим  [115] 
государемъ будетъ и отецъ мои духовнои Сретенского пресвятыя Богородицы монастыря игуменъ Пахомии, к сицевои ихъ царского величества любовь и труды самъ Господь Богъ праведнеишии возмеритель всяких благотворении воздаетъ имъ великимъ государемъ царемъ во временнеи сеи жизни и в вечнеи безмерными своими щедроты благая и полезная.

Аще же кто сотворит некое препятие сему исполнению последняя воли моея или коварство и лукавство соделает въ роздаянии вещеи написанных имать судию Христа Бога воздающаго комуждо по деломъ его, зане онъ яко же видитъ кого творяща неленостно  [116] 

тако и воздастъ всякому праведно при семъ же последнии мои пастырскии долгъ отдаю и предлагаю в душевную ползу во спасение же вечное гражданского же и царственного самодержавства во всякое опаствъ благочестивеишимъ монархомъ чрез мои грешныя руки поманиником Божиим на содержание и оуправление отечественного наследства всего царства Росммского въ дусе святомъ сыном моимъ великимъ государемъ царем и великимъ княземъ Иоанну Алексеевичю Петру Алексеевичю всея Великия и Малыя и Белыя Росии самодержцемъ.

Да пребывают они государи в прародителскомъ своемъ благородномъ царском  [117] 

достоинстве и самодержавстве благочестиво и праведно во всякомъ изрядстве жителствовати в чистоте въ воздержании же святыни яко помазаннымъ святымъ подобает, образу благих делъ, по святому Апостолу всемъ народамъ благочестивеишимъ быти оусердствую, веру же православно католическую въ Бога вседушие любовию имети церковь святую едину во вселеннеи яже на востоце и в насъ оутвердися истинную яко же матерь чествовати и пребывати въ ея правомъ оучения святыхъ на соборех определенная и оутверженна содержати крепце и ни въ чемъ порушно якоже [118] 
 бо без веры правыя Богу оугодити невозможно, такожде кроме церкви свяиыя восточныя мудрования и светлаго богопреданного тоя оучения невозможно кому спастися и юже чрез святыи символъ веруем едину святую соборную и апостолскую цурковь быти убо оную защищати от всяких ересеи и соблазных наветовъ и своею государскою рукою во всемъ церкви господни и служителемъ священного и духовного чина и причту церковному всемъ помогати и снабдевати вся въ царскои своеи милости да потщатся и определенная даяния служащих Богу по всемъ церквам и о них государех молящихся да не лишаютъ и в томъ тии да не обидятся.  [119] 
за сие бо псалмопевцу приимут от Христа Бога воздаяния многа.

Яко благочестивыя государи и великие князи и вернеишие цари своиственные государие Росиискаго царствия людем всемъ во осмотреливъстве милосердом всякого чина люди своя мала и велика богата и оубога раба и свободного и всякое лице мужеско и женско да не имеют всякие неправости и обидъ да свобождаютъ о правосудии же в делах граждански всяческии да попекутся ибо милость и любовь в томъ всякому явятъ многу зане зело неправда в суждениих и коварство в людехъ оумножися обидимыи же вдовицы и сироты и немощ [120] 

нии во оубожестве люди зело во оскорблении мнозии плачютъ ибо суд Божии в людех его вамъ царемъ вручися, и сего Господь Богъ истяжетъ от васъ о немъ же сами государи прирадеите молю вас государеи избавите всякого от неправды. еще же да никакоже они государи цари попустятъ кому христианомъ православнымъ въ своеи державе с еретиками и иноверцами с Латины Люторы Калвины и злобожными Татары, ихъ же гнушается Господь и церковь Божия з богоматерскими прелести ихъ проклинает общение въ содружество творити но яко враговъ Божиих и ругателеи церковных тех оудалятися да повелевают царскимъ  [121] 
своимъ оуказомъ отнюдъ бы иноверцы пришед зде в царство благочестивое веръ своихъ непроповедовали и во укаризну о вере не розговаривали ни с кемъ и обычаевъ своих иностранныхъ и по своимъ их ересямъ на прелесть христианомъ невносили бы и сие бы запретити имъ под казнию накрепко и молвищных бы по прелестямъ ихъ соборищь еретических строити не давати места всеконечно но котории зде и есть близ или между христианских домовъ и те бы разорити годно и должно яко диаволская сонмища Татарове бо зловерныя еретицы же церкве святыя отступныя и вси суть прокляти зане апостолъ  [122] 
святыи Павелъ и во единои Христианскои вере братии сущих пианствующих отлучатися и обесчинствующихъ и не примешатися к нимъ заповеда колми паче таковых еретиковъ развратников и хулниковъ святыя веры нашея отлучатися всяческии подобаетъ еретиковъ яко люторы, калвины, латины несоветуют и не глаголютъ яже церковная правая но якоже человеческая новообретная, и чюждее истинного благочестия Татарове же проклятыя злобожники суть в них же никоего же добра обретается и живутъ въ державстве царскои и между многих христианъ и великих ихъ же во благочестивую веру всяческии приводити  [123] 
велии есть долгъ и апостолское завещанное слово сице глаголет ныне же писах вамъ братие непримешатися аще некии брат иноверецъ же наипаче именуемъ будетъ блудникъ или лихоимецъ, или идолослужитель, или досадитель, пианица, или хищникъ, с таковымъ ниже ясти во иноверцехъ же вся сия злобы господствуют обаче вернии люди мнози и честнии с ними ядят исстыдящеся, и небоятся греха оуклоняющися же от заповеди сея и завещания от церкве святыя презирающе и творящии сами себе закон презорствомъ како имутъ свободитися клятвы псалмопевцом присновещающияся прокляти вси оуклоняю [124] 
щиися от заповедеи твоих, чесого вся христианы избави Боже и инде глаголет измите злое от васъ самех сие явственно самъ Богъ завеща како со иноверными еретиками и злобожниками водитися и общатися кому и никую дружбу подобаетъ с ними имети.

И симъ оубо можетъ целость государьствс своего в лепоте содержатися и во оугождении быти Богу егда вси люди истинствуют о добрых делех прилежатъ благия и постоянныя нравы; да не навыкнут иностранных обычаевъ непотребныхъ и неоутвержденнии въ вере и писпния неведящии со иноверными о вере да не глаголют и лестного учения  [125] 

ихъ весма да не слушают но да воимеютъ въ крепости отеческая благоразсудная и воздержанная поступления въ делех и вещехъ писано бо не буди всякимъ скоростию в непотребство и стареиших не презираи, и всякое дело начиная смотрети конца каковыи будетъ всемъ повелеся зане вся тварь и время от времени скоро изменяется и кончина смертная ближится всемъ, еи же и аз и леты и болезнию близъ приверженъ есмь к сему всякого бы чина люди имели по чину своему, и жити во всякомъ о пастве и мерности кому что должно и что кому прилично,  [126] 
одежды бо носити дворы и храмины строити не к лицу. нестроино государству же оубыточно добро оубо есть во одеждах драгих и многихъ во пространныхъ избыточных трапезахъ и питиях различны и во всяких неполезныхъ делах не истощеватися и не приходити тем в последнею скудость и оубожество, излишнее бо все и дело непотребно по Апостолу же буди имя пребезначалныя всетворивыя единосущныя святыя Троицы Бога Отца и Сына и святого Духа благословенно от всея видимыя и невидимыя твари во веки непрестанно аминь.

Безмернымъ благоволениемъ и неизреченною благостию всетворца нашего Бога  [127] 

по образу и по подобию его сотворенныи и созданныи в бытность вечную человек оуже невоуничтожится никако ему же долгъ по всякому образу благородиемъ своим дневнымъ знати славити Бога, зрети к нему оуповати на него и о всемъ по учителству святаго Апостола Павла благодарити яко вся сотвори онъ премудростию своею и присно творит и претворяет якоже хочетъ все в полезное человеку дела вещи и помышления да всяческии в жизни горнеи и блаженнеи имство воздержавствит заповеданное же самъ спаситель нашъ Иисусъ возводя насъ в первое достояние небеснаго наследия глаголаше востаните идемъ отсюду.  [128] 

И зде оубо колика лета живи обаче конецъ предела Божия жизни приемлет и разрушается всякъ мудросозданныи человекъ тело естественное, органное потребная тбо благодатию Божиею въ Росиискомъ царствии ихъ царския деожавы людии благочестивыхъ в ратоборстве изскусныхъ и знающихъ о полковых строях зело Коринфаны посрамляше егда пред иноверцами судишася, глаголаше бо исраму вамъ глаголю, оуничиженных церкви, оу нас весма очюжденнии, почто посаждаете судити вернымъ таколи несть ни единъ в васъ мудръ иже может разсудити, между братии своих но брат за братомъ су [129] 

дится. да еще пред иноверными, сие оубо отнюд срам вамъ есть яко судитеся от неправедныхъ оу нихъ же христиане въ подданстве, а не от святых христианъ православныхъ единоверных Розсиянъ и въ царстве единомъ живущих, иноверцы же аще и прежде сего древних летъ в полках Росииских и в нашеи памяти быша, где ползы от них сотворишася мало явне бо они враги Богу и пресвятеи Богородице и намъ христианомъ и церкви святеи ибо вси христиане православнии наипачеже за веру и за церковь Божию нежели за отечество и домы своя во  [130] 
оусердия души своя полагают на бранех в полках никакоже щадяще жизни своея еретики же будуще началники о томъ ни мало радятъ такожде и Татаром злобожнымъ которыи во обладании их царскомъ, в своемъ же зловерии жизнию влекутся въ подданство и владение христианъ недавати, и за которыми есть аще не крестятся и не хотят быти. во благочестии взимати и тыя от них и не давати в поругание, и под власть, нечестивымъ босурманомъ христианских душъ.

И о семъ вседушно великих государеи благочестивеиших васъ цареи молю и прошу и впред завет мои сеи всемъ благо [131] 

честивымъ самодержцемъ яко архиереи есмь полагаю, и такоже молю во Господе да о всемъ томъ во имяни Господни яко христианския цари во обладании вашемъ приложите тщание, и сотворяите тако и милость Божия буди с вами, и Господь Богъ помощникъ вамъ, во всемъ, и крепкии покровъ, от всех золъ, и не преоборимая стена пресвятая дева, Богородица Мариа: и вси свяиии о васъ молитвенники непрестанно избавляю же яко и нынешних лет, въ Крымския походы, егда на Крымских Татаръ Росииския царския полки ходиша, азъ смиренныи о всемъ вышеписанномъ яко старецъ сыи глаголах необинуяся оучих и молихъ и доно [132] 
сих началствующим, с молениемъ и написании, еже бы еретикамъ, иноверцамъ над христианы въ полках началниками не быти и мене благородная государыня царевна София Алексеевна в томъ послушати тогда не изволила, такожде и князь Василии Голицынъ, вождь бывшии въ те походы царского пресветлого величества премногих полковъ, не сотвори сего и что содеяся въ полкахъ каковыя поступки быша, многимъ зримо, бе и есть всемъ ведомо, яко бесчестию и на славе многия страны приписаша нужды же людския кто изочтет и оубытки, темъ же должно апостольскаго оучения слушати никто же своея ползы  [133] 
но ближняго своего, кииждо да ищет, ищая же по гласу евангельскому обрящет благодать и славу, миръ и милость, и толкущему заповедми господними въ двери мимлосердия Божия всеоусердно, отверзется царство небесное и приимутъ его всерадостные кровы, блаженства въ некончаемыи векъ, сия вся заключаю, вся оставльщияся люди на земли сеи от святыя молитвы, смиренно прося благословение вамъ мое, архипатырское оставляю мене же самаго, Божию вручаю милосердию, и непостыдному предстателству Госпоже моеи пресвятои деве, Богородице Марии, и всех святых благоугодивших Богу молитвами, вопия глааголя, Богу отцу нашему  [134] 
небесному отче въ руце твои предаю духъ мои аминь.

Писася въ царствующемъ великомъ граде Москве въ дому святеишаго патриарха миросоздания 7198 лета от рождества же Иисусъ Христова 1705 (sic) индиктиона 13, месяца марта 17 дня. при семъ еще и царскому пресветлому величеству доношу и во имяни Господни, завещеваю, еже бы иконы Бога человека Иисуса и пречистыя Богородицы и всех святых заповедми на цках по древнимъ переводом зъ греческихъ изображении како видимъ и чюдотворныя иконы древних писемъ, а с латинских и немецкихъ соблазных изображении и не подобственнымъ и  [135] 

новомышленных по своим похотям церковному нашему преданию развратно отнюдъ бы исписати, и которые где есть въ церквах, не право писанные тыя вонъ износити, ибо и пресвятую Богородицу, оуже обрученную мужу Иосифу праведному и Христа Иисуса родившую они еретики пишутъ непокровенну главу и власы оукрашеину из многих святых женъ непокровенными главами и мужеи своестранными обычаи, въ греческих же старых и росииских таковых подобиемъ необреташеся и ине того не приемлеют, веруемъ бо яко пресвятая Богородица Дева и по рождестве Иисусовымъ, но церковь таковыхъ новых видомъ не приемлютъ и необычно не [136] 
 велети же вырезывати на древе икон человеческимъ обятиемъ, понеже въ церкви восточнои того творити заповедано.

Но и паки воспоминаю еже бы иноверцамъ еретикамъ костелов Римскихъ, киракъ немецкихъ и Татаромъ мечетеи, в своемъ царстве и обладание всеконечно недавати строити нигде, и новыхъ латинских иностранныхъ обычаевъ и в платии пременъ по иноземскии не въ водити ибо тем. благочестия христианского царства и во оудобстве имать пространятися, и вера в Господа, Бога, возрастати день дне оудивляюся же азъ царского сигклита советникомъ полатнымъ и правителем и которые  [137] 

на посолстве во иных землях и царства бывали и видали како кое государство нравъ и обычаи имать, каковыи во одеждах и поступках тако держат, а иного неприемлют, и въ своих владенияхъ иных веръ людеи никаковыхъ достоинствъ несподобляют, а еже не своея веры молитвенных храмовъ, иноземцовъ, никако же попущают сотворяти и в котором еретическомъ царстве, кая окрестъ насъ суть, яко въ немецких есть ли благочестивыя нашея веры церковь Божия, где бы христианомъ было прибежище, нигдеже, а зде чего и не бывало и то еретикомъ поволно что своих еретических пролятых соборищъ молбищныя хра [138] 
мины построили, въ которых благочестивых людеи злобно кленутъ и лаютъ и веру оукоряют, иконы святыя попирают и намъ христианом ругаются и зовут идоло и древопоклонниками и се не есть добро, но всяческии зло.

Сего оубо благочестивым людем наипаче же самодержавнеишимъ царемъ господаремъ и ине и въ будущая времена зело смотрити подобает и своему государеву влагоразсудное повелителство, в ползу и прибыль наипаче же во славу Божию творити еже и въ содеиствии сего совершения буди во Христе Бозе желаю желаю. аминь.

Подписа сие своею рукою, сице Иоа [139] 

кимъ патриархъ Московскии, и всея Росии положи сии завет, описание краткою всеправителствомъ вселенныя мериломъ правды во днехъ и часех жизни человекомъ преблагаго Спасителя нашего Бога великии господинъ святеишии киръ Иоакимъ Московскии и всея Росии и всех северных странъ патриархъ сего 7198 лета марта въ 17 день въ понеделникъ третия недели поста часа въ первои четверти о Господе скончася въ соборнои великои церкви Оуспения пресвятыя Богородицы оу стены бдизъ заподныхъ вратъ на правои стране марта месяца въ 17 день по преждеосвященнеи литоргии во вторникъ  [140] 
въ 11 часу на правождении же его тела из церкве Двунадесяти Апостоловъ яже въ Патриарше доме, и литоргию же и на погребении быша великия государи цари и великия князи Иоаннъ Алексевичь Петръ Алексевичь всея Великия и Малыя и Белыя Росии самодержцы с своимъ царскимъ сигклитомъ, архиереи же быша сии, митрополиты Адрианъ Казанскии и Свияжскии, Евфимии Сарскии и Подонскии, Авраамии Резанскии и Муромскии, архиепископъ Гавриилъ Вологодцкии и Белозерскии, епископъ Питирим Тамбовскии, архимандрит Рождествена монастыря из Владимера Иосифъ, Чюдова монастыря Иоасафъ, Спаса Новаго монастыря Игнатии, и  [141] 
иных обителеи архимандриты и игумены, протопресвитеры же, иереи, множество всякого чина народа, неисчислимо, его же душу да оупокоит Господь с праведными во блаженстве, и радости вечнои желающе вси вопием, Господи Боже творче нашъ помилуи, аминь.

Егда въ соборнои церкве на литоргии преждеосвященнеи поставивше одръ с теломъ пред царскими враты на амвоне заветное сие писание чте преосвященныи Адрианъ митрополит Казанскии тогда о положении его где и в чемъ на те стати сие читалъ во извещение и сие отецъ нашъ, и краинии пастырь прилежныи и верныи въ Дусе Святемъ церкви  [142] 

святыя, правитель великии господинъ святеишии, киръ Иоакимъ Московскии всея Росии и всех северных странъ патриархъ, егоже его тело положити не в соборнои церкви, но в монастыре оу Спаса на Новом, и въ монашеских одеждах завеща, смиряя себе, и домъ намерения своего, исполнити таковымъ желаниемъ своимъ во имени же Господни положити ю его и поборничестве о святеи соборнеи и апостольскои церкви советомъ и желаниемъ, велиимъ благочестивеишия наши государи цари и великия князи Иоаннъ Алексевичь, Петръ Алексевичь,всея Великия и Малыя и Белыя Росии самодержцы со архиереи с преосвященными митрополиты,  [143] 
архиепископы, и епископы, архимандриты, и игумены и с причтом священного собора благоволиша тело святеишаго патриарха погребсти в сеи святеи соборнеи первопрестольнеи всея Росииского царства церкви, яко архиереа в неи же о Господе трудися и во благодати Иисусъ Христовою блаженно скончася да яко истинныи сея церкви пастырь поминаемъ зде будет присно зрениемъ же гроба его наипаче зде от всех сыновъ своих духовныхъ будет помяновенъ и не забвенъ всегда ему же буди вечная блаженная памят оу Христа Бога, и оу всех человекъ ныне и присно, и во векъ.
 [144] 

    Стихи надгробныя.

Всякии человекъ живяи, Бог бо пределъ и меру долгъ, оумно словесному имать бо въ небесе покои святыми, волею Бога въ миръ сеи родился. великъ господинъ онъ бысть патриархъ святеишии Иоакимъ Московскии всея Росии и всех северных странъ, блаженныи пастырь въ щедротах небесных мирно скончася.

Живущь зде лето седмь десято:

Седмь тысящь сто осмь мира и девят десято.

Месяца Марта числа десять и седмаго:  [145] 

В понедельник седмицы третше поста святаго.

Въ четверти первои въ часе дне первом надесять:

Пятнадесят летъ месяцъ седмь дни дванадесять три:

Церковь Росиискую пасе всяк зде гроб его зри.

Въ немъ тело святителское его положися.

Да въ небо вселит, и Богу въ любви помолися.

Боже творче нашъ въ Троицы единыи державныи.

Сподоби его вечнои радости и славы.  [145] 

7198 году марта въ 17 день Преставился великии господинъ святеишии киръ Иоакимъ Московскии и всехъ северных странъ патриархъ, на память преподобнаго Алексея человека Божия, во 11 часу дни въ первои четверти, и вынесенъ тогож дни къ Двунадесяти Апостоломъ и погребенъ въ соборнои апостольскои церкве, подле святеишаго патриарха Питирима, въ 18 день. А на погребении были великие государи, Иоаннъ Алексеевичь, Петр Алексеевичь. А орхиереевъ было, Козанскои, Крутицкои, Резанскои, Вологоцкои, Тамбовскои.
 [147] 


 

    Над гробом в таблице написано.

Иоакимъ патриархъ Росиискии правитель.

Всея паствы своея бодрыи насмотритель.

Шестнадесято лето опасно правяше.

Паству вручеееую Богомъ тому оугождаше.

Трудъ подемля несносныи борим от противныхъ.

Враговъ и еретиковъ злословимъ злооумныхъ.  [148] 

По терпениемъ своим вся тыя победи.

Словесы разумными вспять она отврати.

И поиде вследъ отцевъ мзду от Бога взяти.

И пастве своеи свыше молитву не зслати.

Марта в седмьнадесятыи день ста избранна,

Видети лице Бога никимъ же виданна

Девятдесятъ осмаго седмь тысящь сто лета,

Въ шесть десятъ девятое своиственного века.  [149] 

Над пастыремъ чтет некто пасомь, негли монах,

Помня онъ часъ, въ немже всякъ последне кликнет ахъ.

 
    Return