Яков Кротов. Путешественник по времени. Вспомогательные материалы: декларация 1927 года.
К оглавлению
ГАРФ. Фонд 5919, опись 1, дело 1, листы 452 – 453
Документ номер 124. Молитва о святой Церкви
О Премилосердный, всесильный и человеколюбивейший Господи, Иисусе Христе Боже наш, Церкви Зиждителю и Хранителю.
Воззри благосердным оком Твоим на Сию люто обуреваемую напастей бурею.
Ты бо рекл еси, Господи: «Созижду Церковь Мою и врата адова не одолеют Ей».
Помяни обещание Твое не ложное: «Се, Аз с вами есмь во вся дни до скончания века».
Буди с нами неотступно, буди нам милостив, – молит Тя многострадальная Церковь Твоя, – укрепи нас в правоверии и любви к Тебе, благодатию и любовию Твоею заблуждающие обрати, отступльшие вразуми, ожесточенные умягчи.
Всякое развращение и жизнь, несогласную христианскому благочестию, исправи. Сотвори, да вси свято и непорочно поживем, и тако спасительная вера укоренится и плодоносна в сердцах наших пребудет.
Не отврати лица Твоего от нас, не до конца гневающийся Господи. Воздаждь нам радость спасения Твоего.
Всяку нужду и скорбь людей Твоих утоли, огради нас всемогущею силою Твоею от напастей, гонений, изгнаний, заключений и озлоблений, да Тобою спасаеми, достигнем пристанища Твоего небесного и тамо с лики чистейших небесных сил прославим Тебе, Господа и Спасителя нашего со Отцем и Святым Духом во веки веков.
