Ко входуБиблиотека Якова КротоваПомощь
 

ЕВГЕНИЙ РОДИОНОВ


Ист.: 2001 г., июнь. http://www.voskres.ru/gosudarstvo/army/slugba.htm


Христос Воскресе!

Братья и сестры! К 5 годовщине подвига св. мученика Евгения дерзаю предложить то, чем могу почтить его память, мой труд.

Протоиерей Валентин Сидоров.

На малей вечерни

На Господи воззвах, стихиры, глас 1:

Чудо видим ныне славное и ужасное, о вернии! Раба своего вернаго Владыка возносящийся с Собою ко Отцу Небесному приводит: предавый бо Ся казни на Кресте за род человеческий мзду воздает предавшемуся за Имя Его и главы усечения от безбожник мятежных претерпевшему Евгению, мученику славному.

Промышления о людех Господа видим ныне исполнение несложное, о вернии! Раб Господень, девятинадесятое лето от рождества земнаго ныне завершает; начинает же житие надвременное и вечное, возрожденный во Царствии Божии, Евгений, мученик всехвальный.

Сбытие словес Господних зрим ныне, о вернии! «Приидите ко Мне, вси труждающиися и обремененнии, и Аз упокою вы!».: потрудивыйбося во славу Божию и пленом обременный от человеконенавистных убийц, приводится ко Господу блаженное упокоение получити во дворех Господних – Евгений, мученик дивный.


Слава, глас тойже:

Наста ныне время, о вернии, достойно восхвалите святаго Евгения, живот свой за Христа Иисуса положшаго, долгу земному завершенну с честию: не давый бо на посрамление знамения Креста спасительнаго и животворящаго спасение и живот от Самаго Спасителя и Жизнодавца приемлет, радуйся.


И ныне, Богородичен:

Богородице, Ты еси лоза истинная:


На стиховне стихиры, глас 2:

Измлада храм и Церкве Владыку странноприемлющаго возлюбил еси, мучениче Евгение, странствуя на земли путем, Господом заповеданным: иго бо благое и бремя нетрудное мужественне приял еси, Господу споспешествующу ти во всех путех твоих.

Како не дивимся мужеству, самим в себе воспитанному Евгением юным! Зрим бо не человеки, но Самим Создателем взращенную в сердце его любовь к вере христианстей, исповедающей Жертвеннаго Агнца, на древе крестнем за ны закланнаго, егда и страха ради смертнаго не отвергл есть Его.

Не последовал еси, мучениче Евгении неким от соратник твоих, иже веру отцев своих ни во что же поставиша, егда земная и временная жития сего исбраша, обаче от родителей земных и Создателя Небеснаго от рекошася. Ты же, святый, студу и сраму поставил еси веру твою предградием мощным душе твоей, ныне наслаждающейся зрения Триипостастного Владыки твоего.


Слава, глас 6:

Днесь светло празднуем, о православнии, Правоздавия не посрамившаго память Евгения страстотерпца; даказует бо вселенней, яко много может вера христианская спасительная, яко и смерти самой не вкусите; веры же сия не отвергнути и достойными быте нам помолимся Начальнику жизни нашее любвиобильному.


И ныне, Богородичен:

Владычеце, приими молитвы раб Твоих:


Тропарь, глас 4:

Гласом Воеводы и Господа небесе и земли: /«Аз есмь с тобою, и никтоже на тя!»/ из плена земнаго восхищенный вообители райския, /и ныне предстоящий Престолу Божества Великаго дерзновенне, страстотерпче святый и воине Евгение, /буди молитвенником за воинство и люди твоя /, благодарне память твою празднующия!


Слава, и ныне, Богородичен:

Еже от века утаенное:



НА ВЕЛИЦЕЙ ВЕЧЕРНИ

На Господи воззвах, стихиры, глас 2:

Младенствовав плотию немошною, богоизбране Евгение, не возмогл еси крепкима ногама по земли ступати во время, тому пришедшее, дондеже силу телесную в купели Святаго Крещения обрел еси, во еже твердо ществовати путем спасения, Господом ти уготованным, к жизни весний и нестареемей.

От юности твоея многие страсти, борющия ны, одолевая, богомудре Евгения, благолепие храма Божия, еже есть дом Господень, возлюбил еси; сего ради сердце твое соделал еси обиталищем благолепным Духа Святаго Господа, и со Церковию Святою единем сердцем и усты взывал еси ко Владыце твоему безмолвне и тайне, да громогласную и явную хвалу от господа небеснаго и людей земных услышиши.

Путем смирения по слову Апостола, во еже властем повиноватися, следуя, службу воинскую, подъял еси, славный Евгение, - рубежи страны твоея храните непроникновенны мятежником, противу мира и покоя в Россистей стране воставшим. Сего ради и пленен был еси безбожниками и свою их веру предавшими, и терпел еси мужественне тесноты и болезни плена, да освобождения получиши от Самаго Христа, благодатию божественную восполнившаго лишения твоя и всельшаго тя во страну и деже несть плен, но свобода образа и подобия.


Слава, глас 6:

Господи, по востании Твоем ко Отцу вознесыйся и совознесший с Собою Евгения, сострадальца Твоего искренняго и свителя, и день рождества его земнаго соделавый днем невечерним рождества его во Царствии Твоем приими сего, молящагося за ны, и души наша спаси от плена озлобления, даруя нам свободу любве ради Твоея к роду челевеческому, на лоне любве Твоея нас вселяя!


И ныне, Богородичен:

Како не дивимся:


Вход, Прокимен, И чтения 3:

1. Пророчества Исаиина чтения: Тако глаголит Господень: вси языци собрашася в купе и соберутся князи от них: 2. Премудрости Соломони чтения: Праведных Душе в Руце Божией: 3. Премудрости Соломони чтение: Праведник аще постигнет скончатися:


На литии, стихиры, глас 3:

Возрадуемся, братие о Господнее милосердном премудрую вселенною правящем, Иже дарована нам радость во дни скорбей наших о погибших в междуусобной брани чадех россиский; дарова бо матери, рыдающим о сыновех их, утешение тихое и приятное, мкченика святаго Евгения, непристанно Христа молящего, да приведет души убиенных и умученных за страны нашия мир и покой соратник своих ко Отцу Небесному, прося им блаженного упокоения; душам же нашим велию милость.

Возрадуемся, братия, о Господи человеколюбивим, всем вся на пользу деющем, Иже показа нам силу веры правыя во свидетеле Своем, мученике Евгении, воине славнем, мужество во страданиих и твердость духа явившем и непрестанно Христа молящем, да не оскудеет вера наша во спасение во Христе Иисусе, Спасе нашем, всем верным подающем велию милость.

Возрадуемся, братие, о Господе, дивнем во святых Своих! Но ваго бо святаго и мамы, от ныне и до века блаженствовати во Царствии Его избраннаго: мученика бо Евгения подвиг уверяет ны яко благ есть промысел Господень еже о людех Его, Ссоздателя, Искупителя и, Утешителя, Единаго Бога, избравшаго нам во молитвенника о нас, грешных, чистоты душевныя исполненного раба Своего, имже да подаст нам велию милость.


Слава, глас 4:

Днесь земля Подольская вселенною зрится: прославляет бо ся во Царствии Небеснем Евгений, воин Христов и мученик, на земли царствие сие провозвещающий: совознесись во со Христом на небеса, с небесами землю соединяет волею божиею моля Владыку даровати нам велию милость.


И ныне, Богродичен:

Призри на моления раб Твоих:


На стиховне стихиры, глас 8:

Помянем, людие Божие яко глубина Премудрости Господни строит человеколюбн вся во всех земли концех. Такожде и ныне сде собравшися, возблагодарим Создателя, соединяющаго присно небо со землею сонмом святых своих, на земли Ему послуживших и во Царствии награду получивших. Сего ради мученика изрядного Евгения молим, да умолит благость Сущаго даровати нам велию милость.

Помянем, людие Божии, яко неложно суть обеты Божии людем Его, яко никогдаже разлучатися ны, но пребывати неотступно. Сего ради славим ныне Евгения, страстотерпца богоизбранного соузом небо и земли ныне зримаго, молящагося о душах наших ко Господу, подающему нам велию милость.

Помянем, людие Божии, таинство любве Господни к роду человеческому: распяся бо за ны на древе осуждения, асуждение вечное на благословение прелагая. Раб же верный и прилежный, благородный Евгений, благословения сего лшитеся не восхотев волею, умершвления прял есть от звероподобных безбожник, багодарение Господу творя, подающему нам велию милость.


Слава, глас тойже:

Помянем людие Божии, яко радость ныне велия на небеси: мученицы Христовы Евгения лобызают и во объятия приемлют, яко друга дражайшего и брата в Бозе единакровнаго: Евгении бо сей, якоже мученицы вси туюжде кровь живую за Жеваго Господа пролил есть, тем себе и нам и спросив Его велия милости.


И ныне, Богородичен:

По Ныне отпущаещи, тропарь Богородице Дево, радуйся:, дважды. Таже тропарь Евгению глас 4: Гласом Воеводы и господа Небеси и земли:


НА УТРЕНИ

По 1-ой кафисме Седален, глас 1:

Торжества и радости твой день, мучениче Евгение, празднуем ныне: день бо рождества твоего есть на земли, якоже и день возрождения твоего в живот вечный.Знамением бо Креста Господня водим был еси на земли и, Крестом тем же ограждаем, бесы окрест себе погубил еси; нетруден путь во Царствие Божие устроил еси, твердость духа твоего и в нас вселяя.


Слава, и ныне, Богородичен:

Торжество и радость во успении Своем познавшая, Дево и Мати Царя Великаго, сих не лиши и нас, от плена страстей наших мощная Избавительница сущи; скорби наша утеши и болезни исцели, Мати рода христианского, при Кресте Сына Твоего вселенную всыновившая.


По 2-ой кафисме Седален, глас 6:

Церковь Твою на крови мученик Твоих основавый и сию кровию их освятивый, новую радость церковную даровал еси нам, Господи, мученика достойнаго Евгения; достоинств сих и нам не попусти лишитися, да одесную Тебе по Суде Твоем с ним и всеми святыми станем.


Слава, и ныне, Богородичен:

Препроводи ны, Богородице Дево, по преставлении нашем в место беспечальное присутствия Божия; верных бо еси благая Одигитрия, путеводящая раб Твоих путем спасения, поющих славу Господу.


По Полиелеи, Седален, глас 4:

При леплятися ко Господу за благо почный, святый Евгение мучениче, прилепился еси Ему,страстем Его подражая смиренне; благородством же твоим, емуже тезоименит еси, убийцы твоя посрамил еси: зверь бо зверя умертви в логовищи их гибельнем.Ты же, торжествуя ныне победу над смертию,молитвами твоими умоли Царя Царствующих соделати ны достойны части твоея, яже есть жизнь бесконечная.


Слава, и ныне, Богородичен:

На земли питавшая Бога Твоего и всякое создание верное Кровию и Телом Своим питащаго Искупителя, Всепетая Владычице, всесильными Твоими молитвами не даждь нам во гладе духовнем пребывати, да не тощи добродетелей предстанем на Страшнем Суещи Сына Твоего иживот вечный да стяжаем верою несумненною во Святую Троицу, Единаго Бога.


Таже, степенна, 1 Антифон 4 гласа.

Прокимен, глас 4: Возвеселится праведник о Господе:

Стих: Услыши, Боже, глас мой. Всякое дыхание: Евангелие от Матфеа, зачало 36.


По 50-ом Псалме, стихира, глас 6:

От рождества твоего избра тя Создатель, святый мучениче Евгение, быти свидетелем светлым славы Его Божественныя, егда день рождества твоего на земли содела днем преселения твоего во обители райския и множество знамений по кончине твоей страшней тобою нам показа. Ты же, дерновение ко Господу имеяй, не остави и нас без знамений милости твоея к нам, уберечь тя от смерти лютыя не возмогшим,прости нам злобу нашу, во страдания тя ввергщую и моли Христа Бога спасти души наша.



КАНОН МУЧЕНИКУ ЕВГЕНИЮ, глас 4,

егоже краегранесие:
«Евгению мученику, воину Христову, поем».


ПЕСНЬ 1.

Ирмос: Моря чермную пучину:
Припев: Святый мучениче Евгение, моли Бога о нас.

Евгения святаго почтим, братие, чудо одушевленное, Христом нам явленное в годину испытания веры нашея; да молитвами избранника Божия славнаго и наша вера во веки не поколеблется.

Велик подвиг твой, мучениче достохвальне: младенствовав бо чистою веры, удостоился еси венца победителя от Бога твоего – таковых бо есть, по слову Господню, Царствие Небесное.

Слава: Господи, Свете Тихий Отеческия славы, славою осени страну нашу и воинство и всех, верно чтущих паять святаго Евгения, избраннаго Твоего.

И ныне: Егоже бога невидимага на земле видима явившая,моли, пречистая Владычице ,создателя и сына твоего благодати Духа Святаго грех наших ради нелишитися нам, якоже и святому Евгению, избранному Сына Твоегоже.


ПЕСНЬ 3.

Ирмос: Вознесена Тя видевшиЦерковь на Кресте:

Непоколебимым Христа исповеданием посрамил еси немощныя дерзости демонов, иже нецыих от пленных с тобою научиша отрещися им от веры отеческия; темже и сорадуется с прочими святыми страстотерпцами дух твой, Евгение.

Измену и прендательство Иудино пред умервием твоим испытавый, святый мучинече Евгение, ни во что же красное юдоли нашея земныя паставил еси, избрав краснейшая, яже во Царствии Божеи суть.

Юже создал еси Церковь Твою Святую, Христе, Спасе наш, сохрани тверду и непоколебиму подвига ради Евгения, крепкаго исповедника Твоего.

Матерь Творца всех и Церкви Зиждителя, Богородицу Деву умолим умирите вражду и злобу нашу, подвига ради Евгения, крепкаго исповедника славы Сына Ея.

Седален, глас 4:

Господу, вознощащуся во славнем Воскресении Своем ко Отцу Небесному, совознеслся еси со спасом твоим к Животу Бессмертному, Евгение достохвальне. Подвизаеши же воинство и вся православныя люди ко благоговейному повиновению подвига твоего, надежду и на наше спасение в ны вселяющаго.


ПЕСНЬ 4.

Ирмос: Вознесена Тя видевши Церковь на Кресте:

Уразумел еси, страстотерпче святый Евгение, яко много может знамение крестное, мужество во страданиих дающее, и даже до усечения главы твоея пострадав обрел еси живот вечный и нетленный.

Часть со святыми мученики улучил еси, славный мучениче Евгение, подвигом бо тех поревновав и Самому Христу Распятому спострадал еси и обрел еси живот вечный и бессмертный.

Елицы в Тя, Господи, крестихомся, в Тя да облечемся, по глаголу Павлову, в купе с облекшимся в Тя чудным Евгением.

Несумненно Тя Богородицу исповедающих прими в покров Твой святый, Богородице Дево, идеже ныне всыновленный Тобою свидетель Сына Твоего славы Его наслаждается.


ПЕСНЬ 5.

Ирмос: ты Господи, мой Свет:

Известно спасеся в тебе, святый Евгение, еже по образум: презрев бо плоти немощная, крепкою верою стяжал еси благодать Божию врачующую; болезни же твоя блаженством вечным венчашася.

Ко Господу, на Кресте за мир весь пригвожденному воззвал еси и благодарне предал еси ему дух твой, Евгение; духом же сим Престолу Бога и спасителя нашего присно предстоиши.

Ужасны и страшны муки твоя црим, рабе юный Господень; сего ради молим Господа, во Святей Троице Единаго: вечные муки свободи ны, Господи, не помянув скудости и слабости веры нашея и добротелей во обнажении сущих.

Воззри, Пречистая, яко слабы и бессильны есмы, но молитвами святаго Евгения страдальца укрепи дух наш, оскудевший всякия добродетели и спаси нас.


ПЕСНЬ 6.

Ирмос:Пожру Ти со гласом хваления, Господи:

О святый, славный и всехвальный Евгения, страстотерпче Христов! Прииди ныне в радость Господа твоего и со мученики, имже подражал еси, спастися нам вечных мук молися.

Изощренных пыток и мучений неубоявся награды небесная сподобилс еси, твердыне твоея – знамения креснаго – не отвергнув, от твердыне твоея Господа крепость во брани снискал еси.

Не отвержи нас, Господи, скудеющих в крепости и укрепи плоти нашея немощи, беснующуюся в нас гордыню Иудину упраздняя, молитвами смиреннаго Евгения, раба Твоего.

У Перстола Пречнаго Бога за ны руце Т воя простирающая, приими нас, Богородительнице Пречистая, в час кончины нашея да непостыдна будет и мирно, демоном отгнанным молитвами смиреннаго Евгения, раба Твоего.

Кондак, глас 6:

Приидите, вси людие Российстии, /и приведите с собою воинство державы нашея:/ пение исходное и погребальное/ пременим на песнь восхождения к жизни торжествующей;/ подвига ради воина и мученика святаго Евгения,/ во страданиих Крета Божия не отвергшагося / и присно слышащаго глас Христа, на Крест Свой указующаго:/ «Сим поведивший!»

Икос:

Христа, Живот всех и Бога, кровь Свою Животворящую за ны пролившаго возблагодарил еси жертвенною кровию твоею, славне Евгение мучениче, Креста Господня предельство не посрамивый и смерть приявый Искупителя твоего ради. Восприял же еси и награду твою от Царя и Гсоспода Славы, уневестившаго ти Церковь Свою Святую. Егоже моли со дерзновением даровати стране нашей мир, правителем мудрость, воинству доблесть, и вся на пользу изрядною людем призувающим тя в помощь и заступление и поющим: радуйся, Евгение, благородством соименне, призванием твоим живот вечный улучивый!


АКАФИСТ СВЯТОМУ МУЧЕНИКУ ЕВГЕНИЮ.

Кондак 1.

Возбранного воеводу и Господа, жизни Начальника и смерти победителя, / Христа Бога нашего, вернии восславим/ яко избра во свидетли своя мученика Евгения, воина славнаго./ Ты же, святый страстотерпче, мановением Божиим и промыслом его непостижимым/ от поля брани и озлобления во обители райския преселивыся,/ не престай молитеся о нас на земли оставльшихся звати ти:/ Радуйся, мучениче Евгение воине Христов непобедимый.

Икос 1.

Ангелов творец и всего видимаго мира Создатель Ангела Хранителя при купели крещения тебе представи, имже наставляем венчал еси житие твое христоподражатели крове твое пролитие. Сего ради тебе честь и славу знамения креснаго защившему пред лицем убийц твоих вопие ситце: радуйся, воинства Российскаго честное украшени, радуйся, Царствия Божия Славное пополнение; радуйся воевод земных прилежны послушателю; радуйся Воеводы Христа верный служитель; радуйся ветве юная, на древе Российстем прозябшая; радуйся древо новонасажденное в раи Господни; радуйся, из млада ко купели крещения устремивыйся; радуйся, в лет твоих светениев саде Едемстем водворивыйся; радуйся, мучениче Евгение, воине Христов непобедимый!

Кондак 2.

Видя, яко нецыи от соратник твоих страха ради смертнаго веру отец своих предающих во угоду пленивших их метежником, не преставал еси молитеся ко Христу Распятами, Егоже знамение на персе твоих неотъемо носил еси, яко щит мощный противу всякого зла и обстояния, и взывал к Нему: Аллилуия!

Икос 2.

Разумом твоим измлада познал еси Бога истиннаго и в сердце твоем светлую обитель Его благодатель устроил еси волею доброю. Мы же дивимся Премудрости Божией, всельшейся во обитель сию, средь терний и волчцов искущений мира сего воздвигнутую, и поем ти тако: Радуйся, юное обиталище Духа Святаго; радуйся, младое вместилище Божественныя благодати; радуйся, древо бесплоднаго ветви плодоносящпя; радуйся, земли ненасеяныя прозябение тучное; радуйся, сродником и знаемым твоим сожителю прелюбезный; радуйся Ангелом и всем святым согражданине приятный; радуйся подвигом веры твоея земнородных удививый; радуйся, мужеством твоим небожителей обрадовавый; радуйся, мучениче Евгение, воине Христов непобедимый!

Кондак 3.

Сила Вышняго, немощная врачующая и оскудевающая восполняющая благодатию неоскудною, проявися в телеси твоем конечнем, еже по образу, вещь бессмертную, в себе содержащем.Сего ради мерность и смертность плоти твоея ни во чо же поставил еси, да душу твою спасеши, во еже вечно радоватися и пети Царю нашему и Богу:Аллилуия!

Икос 3.

Имея выбор между благополучием временным и нестойким и блаженством вечным и несумненным во ЦарствииБожии, мужественно предстал еси, Евгение, пред мучители твоими, нося на телеси твоем знамение крестное, яко ограждение от злых душе и телу. Серади и мы, благоговейно чтуще Всечестный Крест Госпордень, имже врага побеждаем, вопием ти тако:Радуйся, Христа, Плоть Свою во спасение наше на убиение отдавшаго, возлюбивый;радуйся, Спасителя мира и Бога, Кровь Свою во оставление грехов наших пролившаго, не предавый; радуйся, учению Евангелия Христова твердо последовавый; радуйся, лжеучению мучителей твоих ум не покоривый; радуйся, добродетельми твоими веру истинную утвердивый; радуйся, примером твоим живым неверие убийц твоих посрамивый; радуйся, яко вера твоя крепкая Христа нам, Бога Сущаго, возвещает; радуйся, яко злоба убийц беззаконных и саму веру их, яко суетную, низлагает; радуйся, мучениче евгение, воине Христов непобедимый!

Кондак 4.

Слышав, святый Евгение, евангельские словеса Христа Иисуса, призывающиеся всякого, иже исповедует Его быти Богом Истинным, живот вечный дарующим, взяти крест свой и за Ним следовати, чистосердечием младенческим и мудростию мужа зрелаго положил еси словеса сии глубоце в сердце твонм, радостно и смиренно хвалу тебе Призвавшему поя: Аллиуия!

Икос 4.

Безумство мятежных и алчность их слепая, мир и покой в стране нашей пошатнути хотящих, подвигну воена чалие наше призвати тя со множеством другов и сверстник твоих во страну южную, да потребятся восстающия на законы и люди наша убивающия, похищпющия и в рабство обращающия, Сего ради тебе, живот твой на смерть предавшему за веру христианскую и соотечественники, радостно и благодарственно взываем: Радуйся, страны Российския гражданине достойнейший; радуйся, честь Отечествия твоего пред миром и люди не посрамивый; радуйся, благородством, емуже тезоименит еси, правое дело воинства нашего подтвердивый; радуйся, советы разрушителей мира во стране Чеченстей, покусившихся на веру православную, расстроивый; радуйся, яко тобою истины веры православныя утверждаются; радуйся, яко неверие человекоубийц возбесившихся и само существо их, еже есть горее языческаго, обличается; радуйся, яко подвигом твоим воинство православное укрепляется; радуйся, яко ярость звериная идущих на ны мужеством и стойкостию твоею побеждается; радуйся, мучение Евгение, воине Христов непобедимый!

Кондак 5.

Боготечное житие и воинское служение твое, богоизбранне Евгение, не укрыся от народа нашего, верно чтущаго подвиги твоего многострадания и твердаго веры исповидания, кровию твоею запечатленнаго, егда отвергл еси безумное веление мучителей твоих окаянных, да отречешися от Христа Бога твоего пророка ради чуждаго, и знамение живота вечнаго от персей твоих отъимеши и оставиши пеине хвалебное Владыце и Господу твоему: Аллилуия!

Икос 5.

Видевше озверевшия мучители твоя, яко посулы благ и угрозы смертию мучительною ничтоже успевают во е еже отвратити тя от веры твоея крепкия,и яко нецыи от соузников твоих страха смерти и боли телесныя ради премениша веру нашу и исповедаша чуждую веру, лютой казни предаша тя, страдальче честный Евгение. Мы же, единовернии твоя, ужасаемся жестосердию безбожных мира ненавистников, татей и разбойников, обаче единеми усты и сердцем поем ти торжественне: Радуйся, на земли веру отцев твоих соблюдый; радуйся,на небеси мзду богатую от Христа получивый; радуйся, суетность жития земнаго от юности твоея познавый; радуйся, блаженство признаго с Богом пребывания измлада возжелавый; радуйся, неверие мрачное богопознанием твоим просветивый; радуйся, невежество губительное богоразумием твоим победивый; радуйся купелию крещения во Имя Пресвятыя Троицы - Отца, и Сына, и Святаго Духа - грех первородный отрясший; радуйся, прилежанием твоим еже ко восхождению духовному грехов обыденных разрешение от Милосердаго Бога приявший; радуйся, мучениче Евгение, воине Христов непобедимый!

Кондак 6.

Проповедником богоносным явился еси, дивный Евгение, соратником твоим, яко много может вера истинная, истление и смерть вечную побеждающая и приглашающая все воинство Российское и люди с тобою взывати к Богу: Аллилуия!

Икос 6.

Воссиял еси в стране нашей, досточудне воине и угодниче Христов Евгение, звездою яркою, велением Творца Ангелов и человеков на небеси Церкве Христовой возжженною, егда вразумил есть нас Господь моления о упокоении души твоея пременити на молитвословия, к тебе самому обращенныя, яко к новоявленному святому, Богом прославленному, и предстателю о нас несуменному и верному во время, еже есть паче всякаго другаго времени блалопотребно. Благодаряче промыслительное о нас Божие смотрение и дар сей многоценный, тебе, другу нечаянному и посему сугубо приятному, поем со умилением тако: Радуйся, сомном мучеников преславных во страданиих твоих укре ленный; радуйся, на подвиг страдальчества примером их дерзновенным вдохновленный; радуйся, победу над смертию и адом абие по отшествии твоем из телеси бреннаго вкусивый; радуйся, венец бессмертия мученическим подвигом твоим стяжавый; радуйся, души, израненныя неверием и сумнениями, исцеляющий; радуйся, многих другов твоих по стопам твоим шествовати направляющий; радуйся, свидетельство живое веры Христовы спасительное; радуйся, доказательство непреложное жертвы Господней искупительныя; радуйся, мучениче Евгение, воине Христов непобедимый!

Кондак 7.

Хотя Милосердый Господь веру Своих, прещением безбожных ослабленную, укрепити и из рова неверия гибельнаго исхитити, десницу Свою простре над страной нашей и попусти подвергнути народ Свой испытанием во брани внутрь ея: да уразумеем, яко бедствия наша внутрь нас рождаются, и обратим взоры наша внутрь сердец наших, неверием пораженных, и обретем паки мир дающаго Господа и Спасителя мира, взывая к Нему с сонмом всех святых: Аллилуия!

Икос 7.

Новаго тя светильника вемы, путь освещающаго юности, боговедением не просвещенней, блаженне Евгение: образ бо жития и кончины твоея на земли многомощным средством явися ко вразумлению неверующих и ересьми многоразличными отравленных. Верующих же истинно во Святую Троицу и твое во Христе со святыми вечное пребывание образ злостраданий наших подвизает ны пети тебе похвалы сия: Радуйся, во плоти тленней на земли рожденный; радуйся, в дусе неистребимем на небеса преселенный; радуйся, образ Создателя твоего достойно в себе сохранивый; радуйся, подобие Искупителя твоего в полноте собою явивый; радуйся, живот твой всецело Отцу Небесному поручивый; радуйся, дух твой Сыну Божию радостно доверивый; радуйся, Духа Божия верностию обетом крещения не похуливый; радуйся, Святую Троицу жертвенною кончиною твоею торжественне почтый; радуйся, мучениче Евгение, воине Христов непобедимый!

Кондак 8.

Странно есть видети, богомудре Евгение, како душа твоя, во плоти юной пребывающая, показа мужество и стойкость, старости маститей свойственную и опыту житейскому присущую, егда, представ пред лицем пленителей твоих, врагом рода человеча ослепленных, крепость твою яже в вере не допустил еси быти сломленней. Победу же твою над временем и тлением празднующи, возносим в надвременныя высоты песнь Богови, идеже ты ныне поеши Ему: Аллилуия!

Икос 8.

Весь предался еси воле Божией, смиренномудренный Евгение, страдальче Христов, никакоже твоей человечестей воле доверяяй, егда отвергл еси путь Иуды Искариота, крестное знамение от сердца твоего никакоже отъяти восхотев. Темже, моляще тя быти о нас , духом слабеющих, ходатаем пред Искупителем Распятым, воскресшим и нас совоскресившим, поем ти тако: Радуйся, от юности твоея Бога возлюбивый; радуйся, силою Божиею, яже в тебе, мучителей твоих удививый; радуйся, плоть крестным знамением от искушений многоразличных оградивый; радуйся, душу твою силою крестною от демонских притязаний защитивый; радуйся, яко тобою Господь к земнородным приближися; радуйся, яко тебе ради богоубийственный предательствадух из среды верных истребися;радуйся, яко Ангели Божии по отшествии твоем от земли лествицу ко Престолу Божества страшнаго тебе соорудища; радуйся, яко святии мученицы тебе, яко соратника своего равноправнаго и равноценнаго, пред Всевидящее Око Неприступнаго представиша; радуйся, мучениче Евгение, воине Христов непобедимый!

Кондак 9.

Всякия болезни душевныя и телесныя, всякия беды нужды плоти и духа нашего избави нас, всехвальне Евгение, да веру твою в Подателя жизни вечныя видевше, в вере нашей да укрепимся невозбранно и дерзновенно с тобою пети крепость дающему Богу: Аллилуия!

Икос 9.

Витийство пленителей твоих, увещавших тя пременити веру их суетную, яко вода о камень сокрушися: знал бо, доблий рабе Христов, яко никаяже вера, аще истинна есть, убийству и насильству бывает причастна. Посему, крепости твоей пред лицемерными и гордыми убийцами дивящеся, песным воспеванием ти таковым: Радуйся, лживость мучителей твоих истиною твоею обличивый; радуйся, дела и помышления твоя Суду Божию поручивый; радуйся, личемерие хулящих Бога твоего обличивый; радуйся, путь истинный всем, отшедшим от Бога, указавый; радуйся, кровию твоею землю Российскую окропивый; радуйся, плотию твоею туюжде землю освятивый; радуйся, в сердцах и умах земнородных память вечная; радуйся, в небожителех упокоение блаженное; радуйся, мучениче Евгение, воине Христов непобедимый!

Кондак 10.

Спасительна душе смерть плоти твоея, славне Евгение, бысть, егда скончал еси течение живота твоего на земли, исполненней гнева, злобы и всякия неправды. Ныне же предстоиши и будеши присно предстояти Солнцу Правды, милосердному и любвеобильному Христу Бога, хвалебную песнь поя Ему: Алилуия!

Икос 10.

Стена необоротимая, на неяже несть оружия, явися вера твоя, святый мучениче и исповедниче Евгение. Оружием бо веры, крестным знамением, на груди тобою насимым, победил еси, по слову Господню, данному иногда благоверному Константину царю, вражеския полки и легионы. Прославляя же Давшего ти крепость и Венчавшего тя венцем мученическим победным Господа Иисуса Христа,Крепостное знамение твое, яко святыню велию, лобызающе, поем тебе похвалы сия: Радуйся, сквозе житейское море и напастей бурю с честию прошедый; радуйся, в тихое пристанище и цветение райское вшедый; от тли смертныя Победителем смерти Христом возведенный; радуйся, венцем славы Царем царей венчанный; радуйся, Царицею небесе и земли, Богородиею Пречистою, всыновленный; радуйся, всех святых сонмом на небеси радостно сретенный; радуйся, от всякия болезни, печали ии воздыхания Ангелом Хранителем твоим исхищенный; радуйся, всем воинством небесным вечныя жизни Подателю представленный; радуйся, мучениче Евгение, воине Христов непобедимый!

Кондак 11.

Пение торжеству твему над смертию и погибилию вечной приносим, дивящеся непостижимому Промыслу Божию, даровавшему нам во время неспокойное надежду несумненную на умерение жизни нашея многотрудныя твоими святыми молитвами, свидетелю Христов Евгение, в жертву себе принесший за ны, вопиющия о тебе благодарне Богу: Аллилуия!

Икос 11.

Светоносным факелом подвиг твоя, богопрославленне мучениче Евгение, воссияша во стране Российстей. Мы же, соотечественники твоя, на единей земли с тобой рожденныя, едиными усты и единем сердцем Бога благодаряще, тебе поем тако: Радуйся, человеков Богом примирение; радуйся Судии Праведнаго о них умоление; радуйся, от земли бенныя во юности твоей отъятый; радуйся, наруце Божии в вечней юности пребывати приятый; радуйся, земли Российстей крепосте и утверждение; радуйся, воинству державы нашея на врагов одоление; радуйся, нестроений и смут временнаго жития избавленный; радуйся, к первозданному благолепию и блаженству безмятежному возвращенны; радуйся, мучениче Евгение, воине Христов непобедимый!

Кондак 12.

Благодати Божией даров удостоенный при земной жизни твой, славный мучениче Евгение, и спроси у Спасителя нашего и нам, грешным, благодати Его причастниками быти неосужденно, да поем Прославльшему тя и веры нашея Истине, Христу Богу: Аллилуия!

Икос 12.

Поюще славу неисследимей пучине Премудрости Божией, в тебе нам открывшейся, святый и славный мучениче и страдальче Евгение, скорби наша по потерях воинах наших на полях брани, юже воздвизает на ны слабости ради духовныя нашея враг рода человеческаго и отец погибели, прелагаем на радость велию. Радостию о Господи, скорбями нас посещающа грех ради нашей и дающем нам время на покаяние и обращение к светлостем заповедей Его, да посрамятся вся действа диаволя на ны движимыя, да поем тебе, Богом прославленному крепкому свидетелю Его: Радуйся, древо райскаго плоде иззусканы, радуйся насаждений Едемских цвете благоуханный; радуйся, винограда Христова грозде зрелая; радуйся стадо Иисусова агнче упитанный; радуйся, Премудрости Божией вместилище пространное; радуйся, добродетелей духовных кладезю глубокий; радуйся, от сокровищ вечных каменю драгий; радуйся богатств богозданных кладе преизобильный; радуйся, мучениче Евгение, воине Христов непобедимый!

Кондак 13 /трижды/.

О преславный и прдивный согражданине наш, воине и свителю Христов, мучениче Евгение! Прием ныне с любовию и благодарением возносимое тебе пение, моли прославшаго тя Господа Славы мир душам нашим и Отечествие нашему даровати, брань и смуто из жизни нашея истребити, да имуще тя ходатаязаны, грешныя, пред Престолом Божества Великаго, вопием Триипостасному Владыце и создателю нашему песнь: Аллилуия, Аллилуия, Аллилуия!

Икос 1, Кондак 1.


ПЕСНЬ 7.

Ирмос: В пещи авраамстии отроцы персидстей:

Христову Церковь уневестив, в радость Церкве райския восшедый, не перестай моляся о нас, всехвальне Евгение, да и мы радости тояжде сподобимся по кончине нащей.

Радуяся ныне со мученики святыми, чудный Евгение, моли, да радости таковыяжде не лишени будем и мы, егда предстати нам пред Господем нашим.

Иже во всем мире мученик Твоих, Христе, Церковь Твою кровию напитавый. Приими ны во дворы Твоя, части угодника Твоего новаго Евгения нас не лишая.

Со Ангелы, Пресвятая Мати Дево, за мир молящаяся, приими наша молитвы , да спасет Бог и Сын Твой души наша, якоже спасл есть огня вечнаго святаго Евгения, муки временнныя с честию претерпевшаго Имени ради Господня.


ПЕСНЬ 8.

Ирмос: Руце распростер Даниил:

Твоя христоподражательная страдания, страдальче святый Евгение, да умилостивят Владыку всех и Искупителя Христа, да плен плоти нашея отрясше, обретем во Христе Спасенашем свободу первозданную и живот вечный.

О подвизе твоем, святый Евгение, Церковь повествует песньми победными, благоговейно лобызая честь и славу твою и нашу- знамение Креста Честнаго, в немже и Самаго Господа не отвергл еси, честь Его кровию твоею защитив.

Владыко Вседержителю, умерый и воскресый, умершаго за Тя и ныне радующагося со святыми на небеси мученика Твоего Евгения приими молящагося за ны.

Уневестившаяся Создателю Твоему, Дево Неневестная и Мати Избавителя нашегоХриста, моли Духа Святаго Господа вселитися в ны и присно в нас пребывати и скверну нашу очистити, яко много может молитва праведника, Евгения мученика, егоже, яко Мати Милосердная, молитвы о нас приими.


ПЕСНЬ 9.

Ирмос: Камень нерукосечный:

Поем Бога, тобою прослвленнаго и явившаго тя у Престолд Своего ходатая о нас, живущих во стране, междоусобицей терзаемый, да молитвами твоими спасени будем от бед и напастей душевных и телесных, временных и вечных.

Отжени от нас, Господи, всякаго врага, изнутри и извне люди Твоя терзающаго за Тя Евгения, мученика благороднаго, и молитвы о нас присно приемлеши.

Единице в Троице, Судие Праведный, суд Твой не злобою, но любовию неисчерпаемой творящий, не осуди ны, грехми отяжелевшия и всякагоосуждения достойныя, и и умири страну нашу, междоусобныя брани избавляя ю, молитвами Евгения, страстотерпца Твоего и молитвенника за ны, грешныя.

Милосердаго Создателя Мати, умоли, Пречистая, Сына Твоего помиловати души наша и прияти души воинов, противу противу междоусобныя брани за страны нашея мир восставших и страною сей оставленных, с честию погибших и в плену и заточении умученных даже до смерти лютыя, и сопритчи их сонму небожителей со страстотерпцем святым и блаженным Евгением.

Светилен:

Святый мучениче Евгение, свет истинны Христос просвети тя, подвигу твоему путь страдальческий и спасительный уготовавый, егда прежде брани, в нюже вступил еси противу убийц и человеконенавистников мятежных, вшел еси во крещенскую купель младенчискима ногама; крови же и Тела Христова причастився, понеслся еси в юности твоей по крещенских вод потокам животным, иже принесоша тя во обители блаженныя, в нихже Престолу Божию ныне предстоиши, моления за ны принося Владыце твоему и всех видимых и невидимых Создателю.

Слава и ныне:

Свет истины Христа на земли явившая, Мати Света, в песнех величаемая Богородице,просвети ны светом Сына Твоего, во тьме озлобления блуждающия и братоубийственную вражду сеющия; пожинающия же и скорбныя плоды безумия нашего: на земли близких наших лишения, во Царствии же Божии лишитися тщащихся упокоения во Христе Иисусе блаженнаго.

На хвалитех, стихиры, глас 4:

О преславного чудесе! Тезоименитства твоего день бысть днем пренесения честных останков твоих, богохвальне Евгение, на родину твою и в твой дом. Сие есть истинное и непреложное уверение, яко и в новем доме небеснем твоем сретен бысть дух твой святым Мелитинским покровителем твоим, тезоименитым ти, с нимже молишися Христу спастися душам почитающих тя.

О преславного чудесе! Солнце на небеси радостными светлостьми взыгра, пению поему собравшимися память рождества и прставления твоего почтити, славне Евгение; прообразова бо светило небесное, яко с радостию Царствия Небеснаго жителие святии душу твою приемлют, да соучастником блаженства их вечнаго будеши приснаго с Богом царствования и молитеся Христу спастися душам почитающих тя.

О преславного чудесе! Уверение дати желая оставшимся на земли жити, яко во светлостех святых почиваеши и достоин еси пение молебное вместо погребальнаго от нас слышати яко богопрославленный небожитель, святый Евгение: в сонном бо видении матери твоей явився, рекл еси, яко благо ти будет по триех праздневств Пасхи Христовой. По триех же Пасцех, в день поминовения пасхальнаго усопших, крест бысть воздвижен на гробе твоем православными христианами, Господу благословившу; нависание же на кресте есть признание тя во святых суща, выну молящагося Христу о душах почитающих тя.


Слава, глас тойже:

О преславнаго чудесе! с быстротою молнии блистающей весть светлая о милости Господней, нам явленней, во всех концех земли Российския верныя возвесели, уязви же и сердца их глубоце и подвигну прияти тя с любовию и благодарением новаго богоизбраннаго заступника рода нашего, со всем жительством небесным молящася Христу о душах почитающих тя.

И ныне, глас 8:

Владычице, приими на руце Твоя пострадавшаго за Сына Твоего Евгения многострадальнаго, да молиться с Тобою Христу о душах почитающих его.

На Литургии: Служба мученику.

МОЛИТВА СВЯТОМУ МУЧЕНИКУ ЕВГЕНИЮ.

О святый и всехвальный мучениче Евгение, во время благопотребное дарованный нам, соотечественником твоим, неисследимым промыслом и непостижимым Разумом Триипостаснаго Бога, Иже посети страну нашу испытанием междоусобныя брани, юже воздвигну на не древний рода человеча враг и Самаго Искупителя нашего, Господа Иисуса Христа! Вемы, яко врагу сему, всельшемуся в умом помраченных мятежников, растлителей умов, убийц старцев и юных, жен и детей, послан бысть ты военачалием нашим во страну Чеченскую, да бы истребилися, подобно праху на ветру, беззаконники внутрь страны нашея, якоже древле истребляхся всяк враг наш благословением Божиим и доблестию воинов наших. Вемы, яко грехов ради наших по пусти Господь испытание таковое нам, всякаго добра опустошенных; обаче Создатель и Отец наш Милосердный не оставил есть нас во отчаянии и смятении, избрав тя, воине славный, да кровию твоею брань нашу на врагов освятиши, веру людей и воинства нашего укрепиши и примером твоим научиши, во еже прилеплятися к миру и добру, Богом заповеданным нам, и отвращатися от зла, имже полна есть жизнь и деяния наша во времена сия неспокойныя. Показал бо ся житием твоим и блаженною кончиною, яко вершина всех достоинств и добродетелей есть житие на земли с Богом. От юности твоея Крест Животворящий возлюбив, даже до казни лютыя закрепкое исповедание веры твоея и правоты пострадавый, сопричтен был еси великим древним мучеником и свидетелем Славы Божия во младенствующей Церкве Христовой, подвизавшимся добрым подвигом мученичества. Ты такожде, славный Евгение, не отвергл еси знамения крестнаго,на телеси твоем носимаго, и предпочел еси смерть лютую и неправедную за честь и славу Бога твоего, неже жити ти с совестию уязвленною и окаянною. Ныне же, радостне торжествующе прославление твое, веруем, яко вся силы небесныя сорадуются нам и лобызают тя, о древо младое и новонасажденное рая Иисусова! Наипаче же веруем, яко обрел еси любовь и Самой матери Господа нашего Иисуса Христа, Пресвятыя Владычицы нашея Богородицы и Приснодевы Марии и слышиши от Нея: «Сей есть от рода нашего!» К тебе, яко снискавшему дерзновение ко Господу за мужество подвига твоего, крестное знамение твое, яко великую святыню, лобызающе, взываем ныне и молим: да просветит Господь молитвами твоими помраченныя злом и грехом сердца наша и души - грехи бо наша суть брань противу воли Творца нашего, и никтоже постоит, аще узрит Господь беззакония людей Своих; да оставит Господь грехи и прегрешения наша; якоже приял пролитие крови твоея, да приимет покаяние коегождо приносимое; да не лишит нас Господь времени в многотрудней жизни нашей, времени на покаяние искреннее и на устройство в сердцах наших достойнаго обиталища снисшедшаго к нам Спасителя Христа; да не убежит от нас, жестокосердых и черствых, Ангел Хранитель наш, оставляя нас на насильство от диавола. Испроси, святый страстотерпче и исповедниче, вечный покой во блаженном успении для всех спострадавших ти воинов нащих и утоли святым твоим ходатайством и мольбами страдания и печали родителей и сродников их; приведи к Милосердому Богу, Владыце живота и смерти, всех, живот положивших на полях брани и во пленении от врагов умученных; да вселит их Господь в вечность бытия Своего со всеми святыми, от века угодившими Ему; нам же, оставльшими на земли, испроси у Господа прочее время живота нашего в мире скончати и по отшествии нашем достойно предстати со всемисвятыми Престолу Судии нашего, воздающего коемуждо по заслугам, и умилостивленнаго дерзновенными молитвами твоими и всех угодников Его, да не низведены будем по грехом нашим на место мучения, но да вселены будем в сияние светоносное Отца, и Сына, и Святаго Духа Господа на веки вечныя! Аминь.

Конец и Богу слава.

 

 
Ко входу в Библиотеку Якова Кротова